కరతలరాజచ్ఛక్తే స్వరదపరాభూతకుందసుమగర్వ |
సురవరనిషేవితాంఘ్రే శరవణభవ పాహి దేవసేనేశ || ౧ ||
తటిదాభదేహకాంతే కటివిలసత్పీతవర్ణకౌశేయ |
పాటితశూరాసుర భో శరవణభవ పాహి దేవసేనేశ || ౨ ||
నీలగ్రీవతనూద్భవ బాలదినేశానకోటినిభదేహ |
కాలప్రతిభటమోదద శరవణభవ పాహి దేవసేనేశ || ౩ ||
పదజితపంకజ పంకజభవపంకజనేత్రముఖ్యసురవంద్య |
పదవీం ప్రాపయ మహతీం శరవణభవ పాహి దేవసేనేశ || ౪ ||
తారకదైత్యనివారక తారాపతిగర్వహారిషడ్వక్త్ర |
తారక భవాంబురాశేః శరవణభవ పాహి దేవసేనేశ || ౫ ||
పర్వతసుతామనోఽంబుజసద్యఃసంజాతవాసరేశతతే |
సర్వశ్రుతిగీతవిభో శరవణభవ పాహి దేవసేనేశ || ౬ ||
ఇతి శృంగేరిజగద్గురు శ్రీసచ్చిదానందశివాభినవనృసింహభారతీ స్వామిభిః విరచితం శ్రీ శరవణభవ దేవసేనేశ షట్కమ్ |