మాఙ్గల్యదాననిరత ప్రణమజ్జనానాం
మాన్ధాతృముఖ్యధరణీపతిచిన్తితాఙ్ఘ్రే |
మాన్ద్యాన్ధకారవినివారణచణ్డభానో
మాం పాహి ధీరగురుభూత శశాఙ్కమౌలే ||౧||
మాం ప్రాప్నుయాదఖిలసౌఖ్యకరీ సుధీశ్చ
మాకన్దతుల్యకవితా సకలాః కలాశ్చ |
క్వాచిత్కయత్పదసరోజనతేర్హి స త్వం
మాం పాహి ధీరగురుభూత శశాఙ్కమౌలే ||౨||
మాతఙ్గకృత్తివసన ప్రాణతార్తిహారిన్
మాయాసరిత్పతివిశోషణవాడవాగ్నే |
మానోన్నతిప్రద నిజాఙ్ఘ్రిజుషాం నరాణాం
మాం పాహి ధీరగురుభూత శశాఙ్కమౌలే ||౩||
ఇతి శశాఙ్కమౌలీశ్వరస్తోత్రం సంపూర్ణమ్ ||