స ధూర్జటిజటాజూటో జాయతాం విజయాయ వః |
యత్రైకపలితభ్రాన్తిం కరోత్యద్యాపి జాహ్నవీ ||౧||
చూడాపీడకపాలసఙ్కులగలన్మన్దాకినీవారయో
విద్యత్ప్రాయలలాటలోచనపుటజ్యోతిర్విమిశ్రత్విషః |
పాన్తు త్వామకఠోరకేతకశిఖాసన్దిగ్ధముగ్ధేన్దవో
భూతేశస్య భుజఙ్గవల్లివలయస్రఙ్నద్ధజూటాజటాః ||౨||
గఙ్గావారిభిరుక్షితాః ఫణిఫణైరుత్పల్లవాస్తచ్ఛిఖా-
రత్నైః కోరకితాః సితాంశుకలయా స్మేరైకపుష్పశ్రియః |
ఆనన్దాశ్రుపరిప్లుతాక్షిహుతభుగ్ధూమైర్మిలద్దోహదా
నాల్పం కల్పలతాః ఫలం దదతు వోఽభీష్టం జటా ధూర్జటేః ||౩||
ఇతి శ్రీశివజటాజూటస్తుతిః సమాప్తా ||