🌹🙏 శ్రీ వెంకటేశ్వర మంగళ శాసనం....!!🔯

🌸🌿🌸🌿🌸🌿🌸

శ్రియః కాంతాయ కల్యాణనిధయే నిధయేఽర్థినాం ।

శ్రీవేంకట నివాసాయ శ్రీనివాసాయ మంగళం ॥ 1 ॥

లక్ష్మీ సవిభ్రమాలోక సుభ్రూ విభ్రమ చక్షుషే ।

చక్షుషే సర్వలోకానాం వేంకటేశాయ మంగళం ॥ 2 ॥

శ్రీవేంకటాద్రి శృంగాగ్ర మంగళాభరణాంఘ్రయే ।

మంగళానాం నివాసాయ శ్రీనివాసాయ మంగళం ॥ 3 ॥

సర్వావయవ సౌందర్య సంపదా సర్వచేతసాం ।

సదా సమ్మోహనాయాస్తు వేంకటేశాయ మంగళం ॥ 4 ॥

నిత్యాయ నిరవద్యాయ సత్యానంద చిదాత్మనే ।

సర్వాంతరాత్మనే శీమద్-వేంకటేశాయ మంగళం ॥ 5 ॥

స్వత స్సర్వవిదే సర్వ శక్తయే సర్వశేషిణే ।

సులభాయ సుశీలాయ వేంకటేశాయ మంగళం ॥ 6 ॥

పరస్మై బ్రహ్మణే పూర్ణకామాయ పరమాత్మనే ।

ప్రయుంజే పరతత్త్వాయ వేంకటేశాయ మంగళం ॥ 7 ॥

ఆకాలతత్త్వ మశ్రాంత మాత్మనా మనుపశ్యతాం ।

అతృప్త్యమృత రూపాయ వేంకటేశాయ మంగళం ॥ 8 ॥

ప్రాయః స్వచరణౌ పుంసాం శరణ్యత్వేన పాణినా ।

కృపయాఽఽదిశతే శ్రీమద్-వేంకటేశాయ మంగళం ॥ 9 ॥

దయాఽమృత తరంగిణ్యా స్తరంగైరివ శీతలైః ।

అపాంగై స్సించతే విశ్వం వేంకటేశాయ మంగళం ॥ 10 ॥

స్రగ్-భూషాంబర హేతీనాం సుషమాఽఽవహమూర్తయే ।

సర్వార్తి శమనాయాస్తు వేంకటేశాయ మంగళం ॥ 11 ॥

శ్రీవైకుంఠ విరక్తాయ స్వామి పుష్కరిణీతటే ।

రమయా రమమాణాయ వేంకటేశాయ మంగళం ॥ 12 ॥

శ్రీమత్-సుందరజా మాతృముని మానసవాసినే ।

సర్వలోక నివాసాయ శ్రీనివాసాయ మంగళం ॥ 13 ॥

మంగళా శాసనపరైర్-మదాచార్య పురోగమైః ।

సర్వైశ్చ పూర్వైరాచార్యైః సత్కృతాయాస్తు మంగళం ॥ 14 ॥

శ్రీ పద్మావతీ సమేత శ్రీ శ్రీనివాస పరబ్రహ్మణే నమః..🚩🌞🙏🌹

      🌸🌿🌸🌿🌸🌿🌸