దశరథరామా గోవిందా మము
దయజూడు పాహిముకుందా // పల్లవి //
దశముఖ సంహార ధరణిజపతిరామ
శశిధరపూజిత శంఖుచక్రధర // దశరథ //
మీపాదములే గతిమాకు
మమ్మేలుకో స్వామి పరాకు
మాపాలగల్గిన శ్రీపతి యీప్రొద్దు
కాపాడి రక్షించు కనకాంబరధర // దశరథ //
నారాయణ వాసుదేవ నిన్ను
నమ్మితి మహానుభావా
గరుడగమన హరి గజరాజ రక్షక
పరమపురుష భక్త పాప సంహరణ // దశరథ //
ధరణి తారకనామమంత్రము
రామదాసులకెల్ల స్వతంత్రము
ఇరవుగ కృపనేలు మెపుడు భద్రాద్రిని
స్థిరముగ నెలకొన్న సీతా మనోహర // దశరథ //🙏