దుర్గా శివా మహాలక్ష్మీర్మహాగౌరీ చ చండికా |
సర్వజ్ఞా సర్వలోకేశీ సర్వకర్మఫలప్రదా || ౧ ||
సర్వతీర్థమయీ పుణ్యా దేవయోనిరయోనిజా |
భూమిజా నిర్గుణాఽఽధారశక్తిశ్చానీశ్వరీ తథా || ౨ ||
నిర్గుణా నిరహంకారా సర్వగర్వవిమర్దినీ |
సర్వలోకప్రియా వాణీ సర్వవిద్యాధిదేవతా || ౩ ||
పార్వతీ దేవమాతా చ వనీశా వింధ్యవాసినీ |
తేజోవతీ మహామాతా కోటిసూర్యసమప్రభా || ౪ ||
దేవతా వహ్నిరూపా చ సదౌజా వర్ణరూపిణీ | [సరోజా]
గుణాశ్రయా గుణమయీ గుణత్రయవివర్జితా || ౫ ||
కర్మజ్ఞానప్రదా కాంతా సర్వసంహారకారిణీ |
ధర్మజ్ఞానా ధర్మనిష్ఠా సర్వకర్మవివర్జితా || ౬ ||
కామాక్షీ కామసంహర్త్రీ కామక్రోధవివర్జితా |
శాంకరీ శాంభవీ శాంతా చంద్రసూర్యాగ్నిలోచనా || ౭ ||
సుజయా జయభూమిష్ఠా జాహ్నవీ జనపూజితా |
శాస్త్రా శాస్త్రమయా నిత్యా శుభా చంద్రార్ధమస్తకా || ౮ ||
భారతీ భ్రామరీ కల్పా కరాళీ కృష్ణపింగళా |
బ్రాహ్మీ నారాయణీ రౌద్రీ చంద్రామృతపరిశ్రుతా || ౯ ||
జ్యేష్ఠేందిరా మహామాయా జగత్సృష్ట్యాదికారిణీ |
బ్రహ్మాండకోటిసంస్థానా కామినీ కమలాలయా || ౧౦ ||
కాత్యాయనీ కలాతీతా కాలసంహారకారిణీ |
యోగనిష్ఠా యోగిగమ్యా యోగిధ్యేయా తపస్వినీ || ౧౧ ||
జ్ఞానరూపా నిరాకారా భక్తాభీష్టఫలప్రదా |
భూతాత్మికా భూతమాతా భూతేశా భూతధారిణీ || ౧౨ ||
స్వధానారీమధ్యగతా షడాధారాదివర్తినీ |
మోహదాంశుభవా శుభ్రా సూక్ష్మా మాత్రా నిరాలసా || ౧౩ ||
నిమ్నగా నీలసంకాశా నిత్యానందా హరా పరా |
సర్వజ్ఞానప్రదాఽనంతా సత్యా దుర్లభరూపిణీ |
సరస్వతీ సర్వగతా సర్వాభీష్టప్రదాయినీ || ౧౪ ||
ఇతి శ్రీదుర్గా అష్టోత్తరశతనామ స్తోత్రమ్ ||