பாதா³ரவிந்த³ப⁴க்தலோகபாலநைகலோலுபம்
ஸதா³ரபார்ஶ்வமாத்மஜாதி³மோத³கம் ஸுராதி⁴பம் ।
உதா³ரமாதி³நாத²பூ⁴தநாத²மத்³பு⁴தாத்மவைப⁴வம்
ஸதா³ ரவீந்து³குண்ட³லம் நமாமி பா⁴க்³யஸம்ப⁴வம் ॥ 1 ॥
க்ருபாகடாக்ஷவீக்ஷணம் விபூ⁴திவேத்ரபூ⁴ஷணம்
ஸுபாவநம் ஸநாதநாதி³ஸத்யத⁴ர்மபோஷணம் ।
அபாரஶக்தியுக்தமாத்மலக்ஷணம் ஸுலக்ஷணம்
ப்ரபா⁴மநோஹரம் ஹரீஶபா⁴க்³யஸம்ப⁴வம் ப⁴ஜே ॥ 2 ॥
ம்ருகா³ஸநம் வராஸநம் ஶராஸநம் மஹௌஜஸம்
ஜக³த்³தி⁴தம் ஸமஸ்தப⁴க்தசித்தரங்க³ஸம்ஸ்தி²தம் ।
நகா³தி⁴ராஜராஜயோக³பீட²மத்⁴யவர்திநம்
ம்ருகா³ங்கஶேக²ரம் ஹரீஶபா⁴க்³யஸம்ப⁴வம் ப⁴ஜே ॥ 3 ॥
ஸமஸ்தலோகசிந்திதப்ரத³ம் ஸதா³ ஸுக²ப்ரத³ம்
ஸமுத்தி²தாபத³ந்த⁴காரக்ருந்தநம் ப்ரபா⁴கரம் ।
அமர்த்யந்ருத்தகீ³தவாத்³யலாலஸம் மதா³ளஸம்
நமஸ்கரோமி பூ⁴தநாத²மாதி³த⁴ர்மபாலகம் ॥ 4 ॥
சராசராந்தரஸ்தி²த ப்ரபா⁴மநோஹர ப்ரபோ⁴
ஸுராஸுரார்சிதாங்க்⁴ரிபாத³பத்³ம பூ⁴தநாயக ।
விராஜமாநவக்த்ர ப⁴க்தமித்ர வேத்ரஶோபி⁴த
ஹரீஶபா⁴க்³யஜாத ஸாது⁴பாரிஜாத பாஹி மாம் ॥ 5 ॥
இதி ஶ்ரீ த⁴ர்மஶாஸ்தா பஞ்சகம் ।