யஜநஸுபூஜிதயோகி³வரார்சித யாது³விநாஶக யோக³தநோ
யதிவரகல்பிதயந்த்ரக்ருதாஸநயக்ஷவரார்பிதபுஷ்பதநோ ।
யமநியமாஸநயோகி³ஹ்ருதா³ஸநபாபநிவாரணகாலதநோ
ஜய ஜய ஹே ஶப³ரீகி³ரிமந்தி³ரஸுந்த³ர பாலய மாமநிஶம் ॥ 1 ॥
மகரமஹோத்ஸவ மங்க³ளதா³யக பூ⁴தக³ணாவ்ருததே³வதநோ
மது⁴ரிபுமந்மத²மாரகமாநித தீ³க்ஷிதமாநஸமாந்யதநோ ।
மத³க³ஜஸேவித மஞ்ஜுளநாத³கவாத்³யஸுகோ⁴ஷிதமோத³தநோ
ஜய ஜய ஹே ஶப³ரீகி³ரிமந்தி³ரஸுந்த³ர பாலய மாமநிஶம் ॥ 2 ॥
ஜய ஜய ஹே ஶப³ரீகி³ரிநாயக ஸாத⁴ய சிந்திதமிஷ்டதநோ
கலிவரதோ³த்தம கோமளகுந்தல கஞ்ஜஸுமாவளிகாந்ததநோ ।
கலிவரஸம்ஸ்தி²த காலப⁴யார்தி³த ப⁴க்தஜநாவநதுஷ்டமதே
ஜய ஜய ஹே ஶப³ரீகி³ரிமந்தி³ரஸுந்த³ர பாலய மாமநிஶம் ॥ 3 ॥
நிஶிஸுரபூஜநமங்க³ளவாத³நமால்யவிபூ⁴ஷணமோத³மதே
ஸுரயுவதீக்ருதவந்த³ந நர்தநநந்தி³தமாநஸமஞ்ஜுதநோ ।
கலிமநுஜாத்³பு⁴த கல்பிதகோமளநாமஸுகீர்தநமோத³தநோ
ஜய ஜய ஹே ஶப³ரீகி³ரிமந்தி³ரஸுந்த³ர பாலய மாமநிஶம் ॥ 4 ॥
அபரிமிதாத்³பு⁴தலீல ஜக³த்பரிபால நிஜாலயசாருதநோ
கலிஜநபாலந ஸங்கடவாரண பாபஜநாவநலப்³த⁴தநோ ।
ப்ரதிதி³வஸாக³ததே³வவரார்சித ஸாது⁴முகா²க³தகீர்திதநோ
ஜய ஜய ஹே ஶப³ரீகி³ரிமந்தி³ரஸுந்த³ர பாலய மாமநிஶம் ॥ 5 ॥
கலிமலகாலந கஞ்ஜவிளோசந குந்த³ஸுமாநந காந்ததநோ
ப³ஹுஜநமாநஸகாமஸுபூரண நாமஜபோத்தம மந்த்ரதநோ ।
நிஜகி³ரித³ர்ஶநயாதுஜநார்பிதபுத்ரத⁴நாதி³கத⁴ர்மதநோ
ஜய ஜய ஹே ஶப³ரீகி³ரிமந்தி³ரஸுந்த³ர பாலய மாமநிஶம் ॥ 6 ॥
ஶதமக²பாலக ஶாந்திவிதா⁴யக ஶத்ருவிநாஶக ஶுத்³த⁴தநோ
தருநிகராளய தீ³நக்ருபாலய தாபஸமாநஸ தீ³ப்ததநோ ।
ஹரிஹரஸம்ப⁴வ பத்³மஸமுத்³ப⁴வ வாஸவஶம்ப⁴வஸேவ்யதநோ
ஜய ஜய ஹே ஶப³ரீகி³ரிமந்தி³ரஸுந்த³ர பாலய மாமநிஶம் ॥ 7 ॥
மமகுலதை³வத மத்பித்ருபூஜித மாத⁴வளாலிதமஞ்ஜுமதே
முநிஜநஸம்ஸ்துத முக்திவிதா⁴யக ஶங்கரபாலித ஶாந்தமதே ।
ஜக³த³ப⁴யங்கர ஜந்மப²லப்ரத³ சந்த³நசர்சிதசந்த்³ரருசே
ஜய ஜய ஹே ஶப³ரீகி³ரிமந்தி³ரஸுந்த³ர பாலய மாமநிஶம் ॥ 8 ॥
அமலமநந்தபதா³ந்விதராமஸுதீ³க்ஷித ஸத்கவிபத்³யமித³ம்
ஶிவஶப³ரீகி³ரிமந்தி³ரஸம்ஸ்தி²ததோஷத³மிஷ்டத³மார்திஹரம் ।
பட²தி ஶ்ருணோதி ச ப⁴க்தியுதோ யதி³ பா⁴க்³யஸம்ருத்³தி⁴மதோ² லப⁴தே
ஜய ஜய ஹே ஶப³ரீகி³ரிமந்தி³ரஸுந்த³ர பாலய மாமநிஶம் ॥ 9 ॥
இதி ஶ்ரீராமஸுதீ³க்ஷிதஸத்கவி க்ருதம் ஶ்ரீ ஶப³ரீகி³ரீஶாஷ்டகம் ।