நாராயண உவாச ।
ஓம் து³ர்கே³தி சதுர்த்²யந்த꞉ ஸ்வாஹாந்தோ மே ஶிரோ(அ)வது ।
மந்த்ர꞉ ஷட³க்ஷரோ(அ)யம் ச ப⁴க்தாநாம் கல்பபாத³ப꞉ ॥ 1 ॥
விசாரோ நாஸ்தி வேதே³ஷு க்³ரஹணே(அ)ஸ்ய மநோர்முநே ।
மந்த்ரக்³ரஹணமாத்ரேண விஷ்ணுதுல்யோ ப⁴வேந்நர꞉ ॥ 2 ॥
மம வக்த்ரம் ஸதா³ பாது ஓம் து³ர்கா³யை நமோ(அ)ந்தத꞉ ।
ஓம் து³ர்கே³ ரக்ஷயதி ச கண்ட²ம் பாது ஸதா³ மம ॥ 3 ॥
ஓம் ஹ்ரீம் ஶ்ரீமிதி மந்த்ரோ(அ)யம் ஸ்கந்த⁴ம் பாது நிரந்தரம் ।
ஹ்ரீம் ஶ்ரீம் க்லீமிதி ப்ருஷ்ட²ம் ச பாது மே ஸர்வத꞉ ஸதா³ ॥ 4 ॥
ஹ்ரீம் மே வக்ஷ꞉ஸ்த²லம் பாது ஹஸ்தம் ஶ்ரீமிதி ஸந்ததம் ।
ஶ்ரீம் ஹ்ரீம் க்லீம் பாது ஸர்வாங்க³ம் ஸ்வப்நே ஜாக³ரணே ததா² ॥ 5 ॥
ப்ராச்யாம் மாம் ப்ரக்ருதி꞉ பாது꞉ பாது வஹ்நௌ ச சண்டி³கா ।
த³க்ஷிணே ப⁴த்³ரகாளீ ச நைர்ருத்யாம் ச மஹேஶ்வரீ ॥ 6 ॥
வாருண்யாம் பாது வாராஹீ வாயவ்யாம் ஸர்வமங்க³ளா ।
உத்தரே வைஷ்ணவீ பாது ததை²ஶாந்யாம் ஶிவப்ரியா ॥ 7 ॥
ஜலே ஸ்த²லே சாந்தரிக்ஷே பாது மாம் ஜக³த³ம்பி³கா ।
இதி தே கதி²தம் வத்ஸ கவசம் ச ஸுது³ர்லப⁴ம் ॥ 8 ॥
யஸ்மை கஸ்மை ந தா³தவ்யம் ப்ரவக்தவ்யம் ந கஸ்யசித் ।
கு³ருமப்⁴யர்ச்ய விதி⁴வத்³வஸ்த்ராளங்காரசந்த³நை꞉ ।
கவசம் தா⁴ரயேத்³யஸ்து ஸோ(அ)பி விஷ்ணுர்ந ஸம்ஶய꞉ ॥ 9 ॥
இதி ஶ்ரீப்³ரஹ்மவைவர்தே மஹாபுராணே ப்ரக்ருதிக²ண்டே³ நாரத³நாராயணஸம்வாதே³ து³ர்கோ³பாக்²யாநே ஸப்தஷஷ்டிதமோ(அ)த்⁴யாயே ப்³ரஹ்மாண்ட³மோஹநம் நாம ஶ்ரீ து³ர்கா³ கவசம் ।