dviradavadana viṣamarada varada jayēśāna śāntavarasadana |
sadanavasādana dayayā kuru sādanamantarāyasya || 1 ||
indukalā kalitālika sālikaśumbhatkapōlapāliyuga |
vikaṭasphuṭakaṭadhārādhārō:’syasya prapañcasya || 2 ||
varaparaśupāśapāṇē paṇitapaṇāyāpaṇāyitō:’si yataḥ |
ārūhya vajradantaṁ ākhuṁ vidadhāsi vipadantam || 3 ||
lambōdara dūrvāsana śayadhr̥tasāmōdamōdakāśanaka |
śanakairavalōkaya māṁ yamāntarāyāpahāricārudr̥śā || 4 ||
ānandatundilākhilavr̥ndārakavr̥ndavanditāṅghriyuga |
sukhadhr̥tadaṇḍarasālō nāgajabhālō:’tibhāsi vibhō || 5 ||
agaṇēyaguṇēśātmaja cintakacintāmaṇē gaṇēśāna |
svacaraṇaśaraṇaṁ karuṇāvaruṇālaya dēva pāhi māṁ dīnam || 6 ||
ruciravacō:’mr̥tarāvōnnītā nītā divaṁ stutiḥ sphītā |
iti ṣaṭpadī madīyā gaṇapatipādāmbujē viśatu || 7 ||
iti cintāmaṇiṣaṭpadī ||
See more śrī gaṇēśa stōtrāṇi for chanting.
Click & Join our Whats app group