வரதா³நகராப்³ஜாய வடமூலநிவாஸிநே ।
வதா³ந்யாய வரேண்யாய வாமதே³வாய மங்க³ளம் ॥ 1 ॥
வல்லீஶவிக்⁴நராஜாப்⁴யாம் வந்தி³தாய வரீயஸே ।
விஶ்வார்திஹரணாயா(அ)ஸ்து விஶ்வநாதா²ய மங்க³ளம் ॥ 2 ॥
கல்யாணவரதா³நாய கருணாநித⁴யே கலௌ ।
கமலாபதிகாந்தாய கல்பரூபாய மங்க³ளம் ॥ 3 ॥
ஸர்வாரிஷ்டவிநாஶாய ஸர்வாபீ⁴ஷ்டப்ரதா³யிநே ।
ஸர்வமங்க³ளரூபாய ஸத்³யோஜாதாய மங்க³ளம் ॥ 4 ॥
ஈதிபீ⁴திநிவாராய சேதிஹாஸா(அ)பி⁴வாதி³நே ।
ஈஷணாத்ரயஹாராய சேஶாநோர்த்⁴வாய மங்க³ளம் ॥ 5 ॥
அதிஸௌம்யா(அ)திருத்³ராய அவிருத்³தா⁴ய ஶூலிநே ।
அமலாய மஹேஶாய அகோ⁴ரேஶாய மங்க³ளம் ॥ 6 ॥
தூ³ர்வாஸாதி³ப்ரபூஜ்யாய து³ஷ்டநிக்³ரஹகாரிணே ।
தூ³ரீக்ருதாய து³꞉கா²நாம் தூ⁴ளிதா⁴ராய மங்க³ளம் ॥ 7 ॥
ஹ்ருத³யாம்பு³ஜவாஸாய ஹராய பரமாத்மநே ।
ஹரிகேஶாய ஹ்ருத்³யாய ஹம்ஸரூபாய மங்க³ளம் ॥ 8 ॥
ககுத்³வாஹாய கல்பாய கல்பிதாநேகபூ⁴திநே ।
கமலாலயவாஸாய கருணாக்ஷாய மங்க³ளம் ॥ 9 ॥
நகாராய நடேஶாய நந்தி³வித்³யாவிதா⁴யிநே ।
நதீ³சந்த்³ரஜடேஶாய நாத³ரூபாய மங்க³ளம் ॥ 10 ॥
மகாராய மஹேஶாய மந்த³ஹாஸேநபா⁴ஸிநே ।
மஹநீய மநோரம்ய மாநநீயாய மங்க³ளம் ॥ 11 ॥
ஶிவாய ஶக்திநாதா²ய ஸச்சிதா³நந்த³ரூபிணே ।
ஸுலபா⁴ய ஸுஶீலாய ஶிகாராத்³யாய மங்க³ளம் ॥ 12 ॥
வஸிஷ்டா²தி³பி⁴ரர்ச்யாய விஶிஷ்டாசாரவர்திநே ।
விஷ்ணுப்³ரஹ்மாதி³வந்த்³யாய வகாராக்²யாய மங்க³ளம் ॥ 13 ॥
யதிஸேவ்யாய யாம்யாய யஜ்ஞஸாத்³கு³ண்யதா³யிநே ।
யஜ்ஞேஶாய யமாந்தாய யகாராந்தாய மங்க³ளம் ॥ 14 ॥
அருணாசலபூஜ்யாய தருணாருணபா⁴ஸிநே ।
கலிகல்மஷநாஶாய மங்க³ளம் கு³ருமூர்தயே ॥ 15 ॥
கு³ருமூர்தேரித³ம் ஸ்தோத்ரம் ஸுப்ரபா⁴தாபி⁴த³ம் ஶுப⁴ம் ।
பட²தாம் ஶ்ரீரவாப்நோதி பு⁴க்திமுக்திப்ரதே³ரிதா ॥ 16 ॥
இதி ஶ்ரீ கு³ருமூர்தி மங்க³ள ஸ்தோத்ரம் ॥