ನಿರ್ಮಲಾಯ ಪ್ರಶಾಂತಾಯ ದಕ್ಷಿಣಾಮೂರ್ತಯೇ ನಮಃ || ೧ ||
ಈಶ್ವರೋ ಗುರುರಾತ್ಮೇತಿ ಮೂರ್ತಿಭೇದವಿಭಾಗಿನೇ |
ವ್ಯೋಮವದ್ವ್ಯಾಪ್ತದೇಹಾಯ ದಕ್ಷಿಣಾಮೂರ್ತಯೇ ನಮಃ || ೨ ||
ಶ್ರೀಕೈಲಾಸನಿವಾಸಾಯ ಬಾಲಶೀತಾಂಶುಮೌಳಯೇ |
ಮುನಿಭಿಃ ಸೇವ್ಯಮಾನಾಯ ದಕ್ಷಿಣಾಮೂರ್ತಯೇ ನಮಃ || ೩ ||
ಸರ್ವಜ್ಞಾಯ ತ್ರಿಣೇತ್ರಾಯ ಶಂಕರಾಯ ಕಪರ್ದಿನೇ |
ಗಂಗಾಧರಾಯ ಶರ್ವಾಯ ದಕ್ಷಿಣಾಮೂರ್ತಯೇ ನಮಃ || ೪ ||
ಪ್ರವಿಲಂಬಿತ ರುಕ್ಮಾಭ ಜಟಾಮಂಡಲಧಾರಿಣೇ |
ಮುಕ್ತಾಯಜ್ಞೋಪವೀತಾಯ ದಕ್ಷಿಣಾಮೂರ್ತಯೇ ನಮಃ || ೫ ||
ವಿನ್ಯಸ್ತಸವ್ಯಗುಲ್ಫಾಯ ದಕ್ಷಿಣೋರುಪದೇಶಕೇ |
ನಾಸಾಗ್ರನ್ಯಸ್ತನೇತ್ರಾಯ ದಕ್ಷಿಣಾಮೂರ್ತಯೇ ನಮಃ || ೬ ||
ಸ್ನಿಗ್ಧಕಲ್ಮಾಷಕರ್ಷಾಯ ಕಾರುಣ್ಯಾಮೃತಸಿಂಧವೇ |
ಸ್ಮೃತಿಮಾತ್ರಾಘನಾಶಾಯ ದಕ್ಷಿಣಾಮೂರ್ತಯೇ ನಮಃ || ೭ ||
ಕಲಶಂ ಚಾಕ್ಷಮಾಲಾಂ ಚ ಜ್ಞಾನಮುದ್ರಾಂ ಚ ಪುಸ್ತಕಮ್ |
ಕರೈಶ್ಚತುರ್ಭಿರ್ದಧತೇ ದಕ್ಷಿಣಾಮೂರ್ತಯೇ ನಮಃ || ೮ ||
ಚಿದ್ಘನಾಯ ಮಹೇಶಾಯ ವಟಮೂಲನಿವಾಸಿನೇ |
ಸಚ್ಚಿದಾನಂದರೂಪಾಯ ದಕ್ಷಿಣಾಮೂರ್ತಯೇ ನಮಃ || ೯ ||
ಗುರವೇ ಸರ್ವಲೋಕಾನಾಂ ಭಿಷಜೇ ಭವರೋಗಿಣಾಮ್ |
ನಿಧಯೇ ಸರ್ವವಿದ್ಯಾನಾಂ ಶ್ರೀದಕ್ಷಿಣಾಮೂರ್ತಯೇ ನಮಃ || ೧೦ ||
ಇತಿ ಶ್ರೀಶಂಕರಾಚಾರ್ಯ ವಿರಚಿತಂ ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಮ್ ||