అయ్యప్ప స్వామి దీక్ష నియమ నిబంధనలు
🔯 అయ్యప్ప దీక్ష తీసుకోవాలని అనుకునే వారు 3 రోజుల ముందు నుంచి మాంసం కు, మద్యం కు దూరంగా ఉంటు పరిశుభ్రంగా ఉండాలి.
🔯 దీక్ష తీసుకున్న తర్వాత నుంచి మీరు సాక్షాతు అయ్యప్ప స్వామి స్వరుపులు, కానుక మీరు అందరిని స్వామి అనే పదం తో పలకరిచాలి, కోపంగా ఎవరితోను మాట్లాడకుడాదు.
(ముఖ్యంగా: కన్నే స్వాములు)
🔯 తెల్లవారుజామున 4 గంటలకు నిద్ర లేవగానే కూర్చొని "స్వామియే శరణం అయ్యప్ప" అని మూడు సార్లు ఈ నామస్మరణం మనసులో అనుకుంటూ భూమాతను నమస్కారించాలి.
🔯 ప్రతిదినము చన్నీటితో శిరస్నానము చేసి పూజ విధానము ఆచరించి. దగ్గర లో ఉన్న దైవదర్శనాలు చేసుకోవలెను.
సాయంత్రము కూడా శిరస్నానమాచరించి పూజ విధానము ఆచరించవలెను.
🔯 నల్లని దుస్తులు , ఆలయ ప్రాంతాల్లో ఉన్నప్పుడు పంచా,తువాలు మాత్రమే ధరించవలెను.
🔯 "స్వామియే శరణం అయ్యప్ప" అను మూలమంత్రము నిరంతరముగా జపిస్తూండవలెను.
🔯 బహిష్ఠు స్ర్తీలను,శవములను చూడరాదు, అనుకోకుండా చూసిన వెంటనే స్నానమాచరించి, శరణు. ఘోష చేయవలెను.
🔯 ప్రతి దినం ఒక్క పూట మాత్రమే ఆహారము భుజించాలి, రాత్రి పూట పాలు,పండ్లు అల్పాహారం గా తీసుకోవాలి.
🔯 ప్రతి స్ర్తీ (భార్య సహితం) "మాత" లేదా "మాలికాపురం" అని సంబోధించవలెను.
🔯 ధీక్షాలమందు కేశఖండనగాని, గోళ్ళును తీయరాదు.
🔯 అయ్యప్ప ను ఎవరైన బిక్షకు పిలిచిన యెడల తిరస్కరించరాదు. జాతి , మత,కుల,వివక్షత అయ్యప్ప కు లేదు, సర్వులు సమానులు.
🔯 అయ్యప్ప స్వామి దీక్షలో నేల పై చాప వేసుకోని లేదా నల్లని గుడ్డ వేసుకొని శయనించవలెను.
🔯 అయ్యప్ప దీక్షలో ఎల్లప్పుడు విభూతి,చందనము,కుంకుమ తిలకములతో విలసిల్లవలెను.
🔯 పోగ మొదలగు ఉత్తేజిత పదార్థములు, తాంబూలాలు నిషిద్దములు.
🔯 ఎల్లప్పుడు సత్యము పలుకవలెను,అహింస పాటించావలెను, ఇంద్రేయ నిగ్రహము, బ్రహ్మచర్యము, ఆత్మసంయమనము, స్వయం క్రమశిక్షణ* కలిగియుండవలెను, క్రూరత్వము, గర్వము,కోపము, శత్రుత్వములు కపటములు లేకుండా వుండవలెను.
🔯 అయ్యప్ప దీక్ష గురు స్వాములు చెప్పిన కట్టిన నియమాలు పాటిస్తే అంతా పుణ్యం, మీ కోరికలు తీర్చే కొంగుబంగారమై మీ తోడైంటూడు అయ్యప్ప స్వామి.
🔯 గురుస్వాములకు ఎంత సేవ చేస్తే అంతా పుణ్యం.
(ముఖ్యంగా: కన్నే స్వాములు)
🔯 ఏ పరిస్థితిలలోను *41దినములకు దీక్షాలము పూర్తియిన తర్వాతే ఇరుముడి కట్టుకోవలెను.
మీకు ఇంకా ఎమైన సందేహాలు ఉంటే మీ గురు స్వాములతో తెలుసుకోగలరు.
ఓం శ్రీ స్వామియే శరణం అయ్యప్ప
సర్వే జనఃసుఖినో భవంతు