శబరీషా అయ్యప్ప స్వామియే శరణం అయ్యప్ప
సత్యము జ్యోతిగ వెలుగునయా నిత్యము దానిని చూడుమయ
పరుగున మీరు రారయ్య శబరిగిరికి పోదాము ||శరణం||
హరిహర మానస సుతుడైన సురలు మొరలను ఆలించి
ధరణిలో తాను జన్మించి పదునాల్గేండ్లు వసియించి ||శరణం||
ఘోరాడవిలో బాలునిగా సర్పము నీడలో పవలించి
వేటకు వచ్చిన రాజునకు పసిబాలునిగా కనిపించి ||శరణం||
మణికంఠ అనునామముతో పెంచిరి రాజును మురిపంగా
స్వామి మహిమతో రాజునకు కలిగెను సుతుడు మరి ఒకడు ||శరణం||
గురువాశ్రమంలో చదివింప గురుపుత్రున్ని దీవింప
మాటలు రాని బాలునకు మాటలు వచ్చెను మహిమలతో ||శరణం||
మాత పితలను సేవించి మహిషిని తాను వదియించి
శబరిగిరిలో వెలిసెనుగా మనలను దన్యుల చేయుటకు ||శరణం|
అయ్యప్పా అను నామముతో శిలారూపముగా తానున్న
జ్యోతిస్వరూప మహిమలతో భక్తుల కోర్కెలు తీర్చునయ్యా ||శరణం||
మార్గశిరాన మొదలెట్టి నలుబది దినములు దీక్షలతో
శరణనని భజనలు చేయూచు ఇరుముడి కట్టి పయనించు ||శరణం||
భోగికి ముందు చేరాలి మకర సంక్రాంతిని చూడాలి
చాలు చాలు మనకింకా వలదు వలదు ఇక జన్మ ||శరణం||.
మకర సంక్రాంతి దినమున సాయంకాల సమయములో
సర్వం వదిలిన సత్ పురుషులకు జ్యోతిగ దర్శనమిత్తువయా ||శరణం||
పాలాభిషేకం స్వామికి నెయ్యాభిషేకం స్వామికి
తేనాభిషేకం స్వామికి పూలాభిషేకం స్వామికి ||శరణం||
కర్పూరహారతి తనకెంతో పానకమంటే మరిఎంతో
శరణన్న పదము యింకెంతో ఇష్టం ఇష్టం స్వామికి ||శరణం|| .
హరిహరాసనం స్వామిది-సుందరరూపం స్వామిది ,
కన్నులపండుగ మనకెలె-జన్మతరించుట మనదేలే ||శరణం||
శరణం శరణం మా స్వామి శరణం శరణం శరణమయా
శరణం శరణం అయ్యప్పా దరకి చేర్చుకో మా స్వామి ||శరణం||