శ్రీరామపూజితపదామ్బుజ చాపపాణే శ్రీచకరాజకృతవాస కృపామ్బురాశే |
శ్రీసేతుమూలచరణప్రవణాన్తరఙ్గ శ్రీరామనాథ లఘు తారయ జన్మవార్ధిమ్ ||౧||
నమ్రాఘవృన్దవినివారణబద్ధదీక్ష శైలాధిరాజతనయాపరిరబ్ధవర్ష్మన్ |
శ్రీనాథముఖ్యసురవర్యనిషేవితాఙ్ఘ్రే శ్రీరామనాథ లఘు తారయ జన్మవార్ధిమ్ ||౨||
శూరాహితేభవదనాశ్రితపార్శ్వభాగ క్రూరారివర్గవిజయప్రద శీఘ్రమేవ |
సారాఖిలాగమతదన్తపురాణపఙ్క్తేః శ్రీరామనాథ లఘు తారయ జన్మవార్ధిమ్ ||౩||
శబ్దాదిమేషు విషయేషు సమీపగేష్వప్యాసక్తిగన్ధరహితాన్నిజపాదనమ్రాన్ |
కుర్వాణ కామదహనాక్షిలసల్లలాట శ్రీరామనాథ లఘు తారయ జన్మవార్ధిమ్ ||౪||
ఇతి శ్రీరామనాథస్తుతిః సంపూర్ణా ||