*ఆలోచనా తత్వం - 3*
మొగ్గలను తుంచి వేయనేకూడదు ! అది చెట్టుకే హాని.
గాలి మేడలు కట్టనేకూడదు ! అది అనర్థానికి మూలం.
స్నానం చేయక ఆలయప్రవేశం చేయనేకూడదు ! అది ఆచార విరుద్ధం.
దేవాలయములో ఇంటికబుర్లు మాట్లాడనేకూడదు ! దైవ నిందకు సమం.
తీర్ధ ప్రసాదములను నేలపాలు చేయనేకూడదు ! అది ప్రసాద దిక్కారం..
ఆలయమున పూసిన పూలతో ఇంటిదేవునికి పూజచేయనే కూడదు !
ఆలయవస్తువులపై ఆశపడనేకూడదు ! అది కులనాశనమునకు దారి.
ఆలయాన మలమూత్రవిసర్జనాదులు చేయనేకూడదు ! ఖండించ దగినది.
ఆలయములో చెత్తను పడవేయనేకూడదు ! అది పరిశుభ్రతకు నిలయం.
పూజారుల వద్ద కోపతాపాలు ప్రదర్శించనేకూడదు ! అది దైవనింద వంటిది.
ఆలయ సిబ్బందితో వాదులాడనేకూడదు ! అది ధర్మ విరుద్ధం.
ఒకలితో మరొకకాలును రుద్ది కడుక్కోనేకూడదు ! అది అరిష్టం.
ఆలయాన పెట్టిన ఖర్చు గూర్చి చెప్పుకోనేకూడదు ! అది స్వయం ప్రలాపం.
మత్తు పానీయాలు సేవించి ఆలయప్రవేశం చేయనేకూడదు ! అది దోషం.
ఆలయంలో తోటి భక్తులకు ఇబ్బంది కలిగించనేకూడదు ! అది ఆచారహీనం.
తనబాధలకు ఇతరులు కారణమని చెప్పనేకూడదు ! అది దోషమగును.
లేనితనాన్ని ప్రకటించకూడదు ! అది తక్కువ తనం.
ధనమున్నదని గర్వపడనేకూడదు ! అది ప్రగల్భం.
నది స్నానం వేళ మలమూత్రవిసర్జన చేయనేకూడదు ! అది పవిత్రం.
మెప్పుదలకు ధనమును వ్యజించనేకూడదు ! అది దుబారతం.
లెక్కకు మించి ధనమును కూడ పెట్ట నెంచనేకూడదు ! అది అత్యాశే.
ధనమును దుబారా చేయనేకూడదు ! అది వివేక లక్షణం.
సద్వినియోగ పరచక ధనమును బంధించియుంచనేకూడదు! అది దోషం.
పెద్దల హితోపదేశములను త్రోసిపుచ్చనే కూడదు ! అది ధిక్కారం అగును.
నిస్సహాయుల పట్ల నిరాదరణ చూపనేకూడదు ! అది మానవత్వం కాదు.
మనస్సున పగను పెంచుకోనేకూడదు ! అది అశాంతికి మూలం.
పరిసరములను పాడుచేయనేకూడదు ! అది ఆరోగ్య హాని.
వనమును ధ్వంసము చేయనేకూడదు ! అది పర్యావరణ హాని
ఆపదలో ఆప్తులను వదలిపెట్టనేకూడదు ! అది ఆపద్దర్మం
గురువాక్యమును మరచిపోనేకూడదు ! అది ఉత్తమ శిష్యుని లక్షణం కాదు.
ధర్మం వీడి ప్రవర్తించనేకూడదు ! అది ధర్మ విరుద్ధం.
ఆకాల భోజనం చేయనేకూడదు ! అది అజీర్తికి మూలం.
అలోచనారహితంగా మాట్లాడనే కూడదు ! అది హానికరం.
సమఉజ్జి కానిచో పోట్లాటకు దిగనేకూడదు ! అది అధర్మం.
ఇతరులను నమ్మిమోసపోనేకూడదు ! అది అవివేక లక్షణం.
చీటికి మాటికి చికాకు పడనేకూడదు ! అది బలహీనుల లక్షణం.
ఇతరుల ఎదుగుదలకు ఈర్ష్యపడనేకూడదు ! అది తన ఎదుగుదలకు చేటు.
స్నానమాడక నదిని దాటి వెళ్ళనేకూడదు ! అది శాస్త్ర విరుద్ధం.
భార్యను పరపురుషులతో యాత్ర పంపనేకూడదు ! అది అనర్థ దాయకం.
స్వార్ధ చింతనతో వ్యవహరించనేకూడదు ! అది సమాజ ద్రోహం.
కుళ్ళిపోయిన పదార్థములను భుజించనేకూడదు ! అది అనారోగ్యకరం.
పనివాళ్ళను చులకనగా చూడనే కూడదు ! అది యజమాని లక్షణం కాదు.
ఆధికారులతో నిర్లక్ష్యంగా వ్వవహరించనేకూడదు ! అది పనిచేటు.
రేయి పూట అనవసరంగా వీధిలో తిరగనేకూడదు ! అది దొంగల లక్షణం.
తనవద్దలేనిది ఎదుటివానివద్ద యున్నదని అసూయపడనే కూడదు !
పెద్దలకు పెట్టక తాను మొదట భుజించనేకూడదు ! అది పాపము.
అక్రమాలకు తోడు పోనేకూడదు ! అది హానికరం.
దేశ ద్రోహం చేయనేకూడదు ! అది చట్ట విరుద్ధం.
దొంగ సొమ్మును చవకయని కొననేకూడదు ! అది ప్రమాదకరం.
జూదమాడనేకూడదు ! అది మహాపాతకము.
*ఓం శ్రీ స్వామియే శరణం అయ్యప్ప*