*అస్య శ్రీ శివరక్షాస్తోత్రమంత్రస్య యాజ్ఞవల్క్య ఋషిః | శ్రీ సదాశివో దేవతా | అనుష్టుప్ ఛందః | శ్రీ సదాశివప్రీత్యర్థం శివరక్షాస్తోత్రజపే వినియోగః ||*
*చరితం దేవదేవస్య మహాదేవస్య పావనమ్ |*
*అపారం పరమోదారం చతుర్వర్గస్య సాధనమ్ || 1 ||*
*గౌరీవినాయకోపేతం పంచవక్త్రం త్రినేత్రకమ్ |*
*శివం ధ్యాత్వా దశభుజం శివరక్షాం పఠేన్నరః || 2 ||*
*గంగాధరః శిరః పాతు భాలం అర్ధేన్దుశేఖరః |*
*నయనే మదనధ్వంసీ కర్ణో సర్పవిభూషణః || ౩ ||*
*ఘ్రాణం పాతు పురారాతిః ముఖం పాతు జగత్పతిః |*
*జిహ్వాం వాగీశ్వరః పాతు కంధరం శితికంధరః || 4 ||*
*శ్రీకంఠః పాతు మే కంఠం స్కంధౌ విశ్వధురన్ధరః |*
*భుజౌ భూభారసంహర్తా కరౌ పాతు పినాకధృక్ ||5||*
*హృదయం శంకరః పాతు జఠరం గిరిజాపతిః |*
*నాభిం మృత్యుంజయః పాతు కటీ వ్యాఘ్రాజినాంబరః || 6 ||*
*సక్థినీ పాతు దీనార్తశరణాగతవత్సలః |*
*ఊరూ మహేశ్వరః పాతు జానునీ జగదీశ్వరః || 7 ||*
*జంఘే పాతు జగత్కర్తా గుల్ఫౌ పాతు గణాధిపః |*
*చరణౌ కరుణాసింధుః సర్వాంగాని సదాశివః || 8 ||*
*ఏతాం శివబలోపేతాం రక్షాం యః సుకృతీ పఠేత్ |*
*స భుక్త్వా సకలాన్కామాన్ శివసాయుజ్యమాప్నుయాత్ || 9 ||*
*గ్రహభూతపిశాచాద్యాః త్రైలోక్యే విచరంతి యే |*
*దూరాదాశు పలాయంతే శివనామాభిరక్షణాత్ || 1౦ ||*
*అభయంకరనామేదం కవచం పార్వతీపతేః |*
*భక్త్యా బిభర్తి యః కంఠే తస్య వశ్యం జగత్త్రయమ్ || 11 ||*
*ఇమాం నారాయణః స్వప్నే శివరక్షాం యథాఽదిశత్ |*
*ప్రాతరుత్థాయ యోగీంద్రో యాజ్ఞవల్క్యః తథాలిఖత్|| 12 ||*
🌸ఇతి శ్రీయాజ్ఞవల్క్యప్రోక్తం శివరక్షాస్తోత్రం సంపూర్ణం ||🍒