শ্রীগণেশায় নমঃ ॥
কত্যক্ষীণি করোটয়ঃ কতি কতি দ্বীপিদ্বিপানাং ত্বচঃ
কাকোলাঃ কতি পন্নগাঃ কতি সুধাধাম্নশ্চ খণ্ডা কতি ।
কিং চ ত্বং চ কতি ত্রিলোকজননিত্বদ্বারিপূরোদরে
মজ্জজ্জন্তুকদম্বকং সমুদয়ত্যেকৈকমাদায় যৎ ॥ ১॥
দেবি ত্বৎপুলিনাঙ্গণে স্থিতিজুষাং নির্মানিনাং জ্ঞানিনাং
স্বল্পাহারনিবদ্ধশুদ্ধবপুষাং তার্ণং গৃহং শ্রেয়সে ।
নান্যত্র ক্ষিতিমণ্ডলেশ্বরশতৈঃ সংরক্ষিতো ভূপতেঃ
প্রাসাদো ললনাগণৈরধিগতো ভোগীন্দ্রভোগোন্নতঃ ॥ ২॥
তত্তত্তীর্থগতৈঃ কদর্থনশতৈঃ কিং তৈরনর্থাশ্রিতৈ-
র্জ্যোতিষ্টোমমুখৈঃ কিমীশবিমুখৈর্যজ্ঞৈরবজ্ঞাদ্দতৈ ।
সূতে কেশববাসবাদিবিবুধাগারাভিরামাং শ্রিয়ং গঙ্গে
দেবি ভবত্তটে যদি কুটীবাসঃ প্রয়াসং বিনা ॥ ৩॥
গঙ্গাতীরমুপেত্য শীতলশিলামালম্ব্য হেমাচলীং
যৈরাকর্ণি কুতূহলাকুলতয়া কল্লোলকোলাহলঃ ।
তে শৃণ্বন্তি সুপর্বপর্বতশিলাসিংহাসনাধ্যাসনাঃ
সঙ্গীতাগমশুদ্ধসিদ্ধরমণীমঞ্জীরধীরধ্বনিম্ ॥ ৪॥
দূরং গচ্ছ সকচ্ছগং চ ভবতো নালোকয়ামো
মুখং রে পারাক বরাক সাকমিতরৈর্নাকপ্রদৈর্গম্যতাম্ ।
সদ্যঃ প্রোদ্যতমন্দমারুতরজঃপ্রাপ্তা কপোলস্থলে
গঙ্গাম্ভঃকণিকা বিমুক্তগণিকাসঙ্গায় সম্ভাব্যতে ॥ ৫॥
বিষ্ণোঃ সঙ্গতিকারিণী হরজটাজূটাটবীচারিণী
প্রায়শ্চিত্তনিবারিণী জলকণৈঃ পুণ্যৌধবিস্তারিণী ।
ভূভৃৎকন্দরদারিণী নিজজলে মজ্জজ্জনোত্তারিণী
শ্রেয়ঃ স্বর্গবিহারিণী বিজয়তে গঙ্গা মনোহারিণী ॥ ৬॥
বাচালং বিকলং খলং শ্রিতমলং কামাকুলং ব্যাকুলং
চাণ্ডালং তরলং নিপীতগরলং দোষাবিলং চাখিলম্ ।
কুম্ভীপাকগতং তমন্তককরাদাকৃষ্য কস্তারয়েন্-
মাতর্জহ্নুনরেন্দ্রনন্দিনি তব স্বল্পোদবিন্দুং বিনা ॥ ৭॥
শ্লেষমশ্লেষণয়ানলেঽমৃতবিলে শাকাকুলে ব্যাকুলে
কণ্ঠে ঘর্ঘরঘোষনাদমলিনে কায়ে চ সম্মীলতি ।
যাং ধ্যায়ন্ন্পি ভারভঙ্গুরতরাং প্রাপ্নোতি মুক্তিং নরঃ
স্নাতুশ্বেতসি জাহ্ন্বী নিবসতাং সংসারসন্তাপহৃৎ ॥ ৮॥
ইতি শ্রীমৎকালিদাসবিরচিতং গঙ্গাষ্টকস্তোত্রং সম্পূর্ণম্ ॥