ఓం శ్రీ స్వామియే శరణమయ్యప్పా
9. అయిదుకొండల్లో ....
ప) అయిదుకొండల్లో కొలువున్న దేవా
నా గుండెల్లో నీవు కొలువుండిపోవా
కోట్లల్లో వున్నారు నిను కొలుచువారు
నిను నమ్ముకోని నిను పిలుచువారు
నిను సేవించుకుంటున్న దాసానుదాసుండ
నీ అండదండ అందించవా
నీ కొండకు స్వామి రప్పించావా
చ) నీ మాటలే నే మాటాడుతుంటా
నీ పాటలే నే పాడుతుంటా
నీ బాటలోనే నడవాలనుకుంటా
నీ చోటికే నే చేరాలనుకుంటా
నా మాట మణికంఠ మన్నించవా
నీ కృపను నాపై కురిపించవా
చ) నీ నామమే జపించాలనీ
నీ కోసమే తపించాలనీ
నిత్యమ్ము నిన్ను ధ్యానించాలని
నీ పాదమే పూజించాలని
నా ఆశ తీర్చంగలేవా
నా ధ్యాసలో నిలిచిపోవా
చ) నన్నో పువ్వుగా మార్చెయ్యి స్వామి
నీ పాదాలచెంత చేర్చెయ్యి స్వామి
దీపకాంతుల్లో నీమోము చూపించవా
దివ్యానుభూతి కలిగించవా
అందాల అయ్యప్ప దేవా
నీ సన్నిధానం ప్రసాదించవా
*****************