నల్లానల్లాని బాలుడు గోపాలుడు గోవిందుడే
గురువాయురు దేవుడు అందరికీ ఆరాద్యుడే ॥2॥
1.ఆపదలాపే వాడయా | ఆ ఆపద్భాంధవుడేనయా ॥
గురువాయురు కోవెలలో । కొలువైయున్న వాడయా ॥
నల్లానల్లాని. ॥2॥
2. చందన గంధపు చాయలా | మెరిసె దైవం తానయా ॥
అందరి కన్నుల పండగై | శ్రీకృష్ణుడు ఇలా వెలిసాడయా ॥
నల్లా నల్లాని ॥2॥
3 . దేవకి నోములు పండగ | నందుని ఇంట పండుగ ॥
దేవతలందరి దేవుడై ॥2॥
గురువాయురున నిలిచాడయా
నల్లా నల్లాని ॥2॥
4. రేపల్లెకు తను బాలుడై | ఆ పల్లెల గోపాలుడై ॥
యమునా విహారి దైవమై ॥2॥
గురువాయురున నిలిచాడయా
నల్లా నల్లాని ॥2॥
5. బృందావని సంచారుడై । రాధా మానస చోరుడై ॥
వేణువునూదే నాదుడై ॥2॥
గురువాయురున నిలిచాడయా
నల్లా నల్లాని ॥2॥