అపారకరుణాసింధో నివారణపరానిమాన్ |
విదారయ హిరణ్యాక్ష విదారణ నఖాయుధైః || ౧ ||
సర్వవేదాంతవేద్యాయ కారణాయ మహాత్మనే |
సర్వలోకశరణ్యాయ శ్రీనృసింహాయ మంగళమ్ || ౨ ||
శేషినే సర్వవస్తూనాం వాంఛితార్థప్రదాయినే |
సంశ్రితానాం సదా భూయాత్ శ్రీనృసింహాయ మంగళమ్ || ౩ ||
పవిత్రాణాం పవిత్రాయ ప్రాపకాయ ఫలాత్మనే |
భద్రాణామపి భద్రాయ శ్రీనృసింహాయ మంగళమ్ || ౪ ||
ఆదివణ్ శఠకోపాఖ్యైర్మునివర్యైర్మహాత్మభిః |
సమర్చితాయ నిత్యాయ శ్రీనృసింహాయ మంగళమ్ || ౫ ||
జగజ్జన్మాదిలక్ష్యాయ స్వేచ్ఛాస్వీకృతమూర్తయే |
విధ్వస్తాఖిలహేయాయ శ్రీనృసింహాయ మంగళమ్ || ౬ ||
జ్ఞానానందస్వరూపాయ జ్ఞానశక్త్యాదిసింధవే |
బంధవే సర్వలోకానాం శ్రీనృసింహాయ మంగళమ్ || ౭ ||
కాయాధవ పరిత్రాణ భావిత స్తంభజన్మనే |
బ్రహ్మేంద్రాదిస్తుతాయ స్యాత్ శ్రీనృసింహాయ మంగళమ్ || ౮ ||
గుణలేశవిహీనస్య సర్వహేయాస్పదస్య మే |
మంక్షుక్షంత్రేఽప్యనంతాన్ స్యాత్ శ్రీనృసింహాయ మంగళమ్ || ౯ ||
శ్రీనివాసయతీంద్రోక్తం లక్ష్మీనృహరిమంగళమ్ |
యే పఠంతి మహాత్మానస్తేషాం భూయాత్తు మంగళమ్ || ౧౦ ||
ఇతి శ్రీ లక్ష్మీనృసింహ మంగళమ్ |