ప్రాదుర్బభూవ పరమం తేజః పుంజమనూపమమ్ |
కోటిసూర్యప్రతీకాశం చంద్రకోటిసుశీతలమ్ || ౧ ||
తన్మధ్యమే సముదభూచ్చక్రాకారమనుత్తమమ్ |
తన్మధ్యమే మహాదేవిముదయార్కసమప్రభామ్ || ౨ ||
జగదుజ్జీవనాకారాం బ్రహ్మవిష్ణుశివాత్మికామ్ |
సౌందర్యసారసీమాంతామానందరససాగరామ్ || ౩ ||
జపాకుసుమసంకాశాం దాడిమీకుసుమాంబరామ్ |
సర్వాభరణసంయుక్తాం శృంగారైకరసాలయామ్ || ౪ ||
కృపాతారంగితాపాంగ నయనాలోక కౌముదీమ్ |
పాశాంకుశేక్షుకోదండ పంచబాణలసత్కరామ్ || ౫ ||
తాం విలోక్య మహాదేవీం దేవాః సర్వే స వాసవాః |
ప్రణేముర్ముదితాత్మానో భూయో భూయోఽఖిలాత్మికామ్ || ౬ ||
|| ఇతి శ్రీ లలితా స్తోత్రమ్ ||