(అ.వే.కా-౧౦.సూ-౧)
యాం క॒ల్పయ॑న్తి వహ॒తౌ వ॒ధూమి॑వ వి॒శ్వరూ॑పా॒o హస్త॑కృతాం చికి॒త్సవ॑: |
సారాదే॒త్వప॑ నుదామ ఏనామ్ || ౧ ||
శీ॒ర్ష॒ణ్వతీ॑ న॒స్వతీ॑ క॒ర్ణిణీ॑ కృత్యా॒కృతా॒ సంభృ॑తా వి॒శ్వరూ॑పా |
సారాదే॒త్వప॑ నుదామ ఏనామ్ || ౨ ||
శూ॒ద్రకృ॑తా॒ రాజ॑కృతా॒ స్త్రీకృ॑తా బ్ర॒హ్మభి॑: కృ॒తా |
జా॒యా పత్యా॑ ను॒త్తేవ॑ క॒ర్తార॒o బన్ధ్వృ॑చ్ఛతు || ౩ ||
అ॒నయా॒హమోష॑ధ్యా॒ సర్వా॑: కృ॒త్యా అ॑దూదుషమ్ |
యాం క్షేత్రే॑ చ॒క్రుర్యాం గోషు॒ యాం వా॑ తే॒ పురు॑షేషు || ౪ ||
అ॒ఘమ॑స్త్వఘ॒కృతే॑ శ॒పథ॑: శపథీయ॒తే |
ప్ర॒త్యక్ప్ర॑తి॒ప్రహి॑ణ్మో॒ యథా॑ కృత్యా॒కృత॒o హన॑త్ || ౫ ||
ప్ర॒తీ॒చీన॑ ఆఙ్గిర॒సోఽధ్య॑క్షో నః పు॒రోహి॑తః |
ప్ర॒తీచీ॑: కృ॒త్యా ఆ॒కృత్యా॒మూన్కృ॑త్యా॒కృతో॑ జహి || ౬ ||
యస్త్వో॒వాచ॒ పరే॒హీతి॑ ప్రతి॒కూల॑ముదా॒య్యఽమ్ |
తం కృ॑త్యేఽభి॒నివ॑ర్తస్వ॒ మాస్మాని॑చ్ఛో అనా॒గస॑: || ౭ ||
యస్తే॒ పరూంషి సంద॒ధౌ రథ॑స్యేవ॒ర్భుర్ధి॒యా |
తం గ॑చ్ఛ॒ తత్ర॒ తేఽయ॑న॒మజ్ఞా॑తస్తే॒ఽయం జన॑: || ౮ ||
యే త్వా॑ కృ॒త్వాలే॑భి॒రే వి॑ద్వ॒లా అ॑భిచా॒రిణ॑: |
శ॒oభ్వీ॒౩దం కృ॑త్యా॒దూష॑ణం ప్రతివ॒ర్త్మ పు॑నఃస॒రం తేన॑ త్వా స్నపయామసి || ౯ ||
యద్దు॒ర్భగా॒o ప్రస్న॑పితాం మృ॒తవ॑త్సాముపేయి॒మ |
అపై॑తు॒ సర్వ॒o మత్పా॒పం ద్రవి॑ణ॒o మోప॑ తిష్ఠతు || ౧౦ ||
యత్తే॑ పి॒తృభ్యో॒ దద॑తో య॒జ్ఞే వా॒ నామ॑ జగృ॒హుః |
స॒న్దే॒శ్యా॒౩త్సర్వ॑స్మాత్పా॒పాది॒మా ము॑ఞ్చన్తు॒ త్వౌష॑ధీః || ౧౧ ||
దే॒వై॒న॒సాత్పిత్ర్యా॑న్నామగ్రా॒హాత్స॑oదే॒శ్యాఽదభి॒నిష్కృ॑తాత్ |
ము॒ఞ్చన్తు॑ త్వా వీ॒రుధో॑ వీ॒ర్యేఽణ॒ బ్రహ్మ॑ణా ఋ॒గ్భిః పయ॑స॒ ఋషీ॑ణామ్ || ౧౨ ||
యథా॒ వాత॑శ్చ్యా॒వయ॑తి॒ భూమ్యా॑ రే॒ణుమ॒న్తరి॑క్షాచ్చా॒భ్రమ్ |
ఏ॒వా మత్సర్వ॑o దుర్భూ॒తం బ్రహ్మ॑నుత్త॒మపా॑యతి || ౧౩ ||
అప॑ క్రామ॒ నాన॑దతీ॒ విన॑ద్ధా గర్ద॒భీవ॑ |
క॒ర్తౄన్న॑క్షస్వే॒తో ను॒త్తా బ్రహ్మ॑ణా వీ॒ర్యాఽవతా || ౧౪ ||
అ॒యం పన్థా॑: కృ॒త్యేతి॑ త్వా నయామోఽభిప్రహి॑తా॒o ప్రతి॑ త్వా॒ ప్ర హి॑ణ్మః |
తేనా॒భి యా॑హి భఞ్జ॒త్యన॑స్వతీవ వా॒హినీ॑ వి॒శ్వరూ॑పా కురూ॒టినీ॑ || ౧౫ ||
పరా॑క్తే॒ జ్యోతి॒రప॑థం తే అ॒ర్వాగ॒న్యత్రా॒స్మదయ॑నా కృణుష్వ |
పరే॑ణేహి నవ॒తిం నా॒వ్యా॒౩ అతి॑ దు॒ర్గాః స్రో॒త్యా మా క్ష॑ణిష్ఠా॒: పరే॑హి || ౧౬ ||
వాత॑ ఇవ వృ॒క్షాన్ని మృ॑ణీహి పా॒దయ॒ మా గామశ్వ॒o పురు॑ష॒ముచ్ఛి॑ష ఏషామ్ |
క॒ర్తౄన్ ని॒వృత్యే॒తః కృ॑త్యేఽప్రజా॒స్త్వాయ॑ బోధయ || ౧౭ ||
యాం తే॑ బ॒ర్హిషి॒ యాం శ్మ॑శా॒నే క్షేత్రే॑ కృ॒త్యాం వ॑ల॒గం వా॑ నిచ॒ఖ్నుః |
అ॒గ్నౌ వా॑ త్వా॒ గార్హ॑పత్యేఽభిచే॒రుః పాక॒o సన్త॒o ధీర॑తరా అనా॒గస॑మ్ || ౧౮ ||
ఉ॒పాహృ॑త॒మను॑బుద్ధ॒o నిఖా॑త॒o వైరం త్సా॒ర్యన్వ॑విదామ॒ కర్త్ర॑మ్ |
తదే॑తు॒ యత॒ ఆభృ॑త॒o తత్రాశ్వ॑ ఇవ॒ వి వ॑ర్తతా॒o హంతు॑ కృత్యా॒కృత॑: ప్ర॒జామ్ || ౧౯ ||
స్వా॒య॒సా అ॒సయ॑: సంతి నో గృ॒హే వి॒ద్మా తే॑ కృత్యే యతి॒ధా పరూంషి |
ఉత్తి॑ష్ఠై॒వ పరే॑హీ॒తోఽజ్ఞా॑తే॒ కిమి॒హేచ్ఛ॑సి || ౨౦ ||
గ్రీ॒వాస్తే॑ కృత్యే॒ పాదౌ॒ చాపి॑ కర్త్స్యామి॒ నిర్ద్ర॑వ |
ఇ॒న్ద్రా॒గ్నీ అ॒స్మాన్ర॑క్షతా॒o యౌ ప్ర॒జానాం ప్ర॒జావ॑తీ || ౨౧ ||
సోమో॒ రాజా॑ధి॒పా మృ॑డి॒తా చ॑ భూ॒తస్య॑ న॒: పత॑యో మృడయన్తు || ౨౨ ||
భ॒వా॒శ॒ర్వావ॑స్యతాం పాప॒కృతే॑ కృత్యా॒కృతే॑ |
దు॒ష్కృతే॑ వి॒ద్యుత॑o దేవహే॒తిమ్ || ౨౩ ||
యద్యే॒యథ॑ ద్వి॒పదీ॒ చతు॑ష్పదీ కృత్యా॒కృతా॒ సంభృ॑తా వి॒శ్వరూ॑పా |
సేతో॒౩ష్టాప॑దీ భూ॒త్వా పున॒: పరే॑హి దుచ్ఛునే || ౨౪ ||
అ॒భ్య॑క్తాక్తా॒ స్వఽరంకృతా॒ సర్వ॒o భర॑న్తీ దురి॒తం పరే॑హి |
జా॒నీ॒హి కృ॑త్యే క॒ర్తార॑o దుహి॒తేవ॑ పి॒తర॒o స్వమ్ || ౨౫ ||
పరే॑హి కృత్యే॒ మా తి॑ష్ఠో వి॒ద్ధస్యే॑వ ప॒దం న॑య |
మృ॒గః స మృ॑గ॒యుస్త్వం న త్వా॒ నిక॑ర్తుమర్హతి || ౨౬ ||
ఉ॒త హ॑న్తి పూర్వా॒సినం ప్రత్యా॒దాయాప॑ర॒ ఇష్వా॑ |
ఉ॒త పూర్వ॑స్య నిఘ్న॒తో ని హ॒న్త్యప॑ర॒: ప్రతి॑ || ౨౭ ||
ఏ॒తద్ధి శృ॒ణు మే॒ వచోఽథే॑హి॒ యత॑ ఏ॒యథ॑ |
యస్త్వా॑ చ॒కార॒ తం ప్రతి॑ || ౨౮ ||
అ॒నా॒గో॒హ॒త్యా వై భీ॒మా కృ॑త్యే॒ మా నో॒ గామశ్వ॒o పురు॑షం వధీః |
యత్ర॑య॒త్రాసి॒ నిహి॑తా॒ తత॒స్త్వోత్థా॑పయామసి ప॒ర్ణాల్లఘీ॑యసీ భవ || ౨౯ ||
యది॒ స్థ తమ॒సావృ॑తా॒ జాలే॑నా॒భిహి॑తా ఇవ |
సర్వా॑: స॒oలుప్యే॒తః కృ॒త్యాః పున॑: క॒ర్త్రే ప్ర హి॑ణ్మసి || ౩౦ ||
కృ॒త్యా॒కృతో॑ వల॒గినో॑ఽభినిష్కా॒రిణ॑: ప్ర॒జామ్ |
మృ॒ణీ॒హి కృ॑త్యే॒ మోచ్ఛి॑షో॒ఽమూన్కృ॑త్యా॒కృతో॑ జహి || ౩౧ ||
యథా॒ సూర్యో॑ ము॒చ్యతే॒ తమ॑స॒స్పరి॒ రాత్రి॒o జహా॑త్యు॒షస॑శ్చ కే॒తూన్ |
ఏ॒వాహం సర్వ॑o దుర్భూ॒తం కర్త్ర॑o కృత్యా॒కృతా॑ కృ॒తం హ॒స్తీవ॒ రజో॑ దురి॒తం జ॑హామి || ౩౨ ||