கரதலராஜச்ச²க்தே ஸ்வரத³பராபூ⁴தகுந்த³ஸுமக³ர்வ ।
ஸுரவரநிஷேவிதாங்க்⁴ரே ஶரவணப⁴வ பாஹி தே³வஸேநேஶ ॥ 1 ॥
தடிதா³ப⁴தே³ஹகாந்தே கடிவிளஸத்பீதவர்ணகௌஶேய ।
பாடிதஶூராஸுர போ⁴ ஶரவணப⁴வ பாஹி தே³வஸேநேஶ ॥ 2 ॥
நீலக்³ரீவதநூத்³ப⁴வ பா³லதி³நேஶாநகோடிநிப⁴தே³ஹ ।
காலப்ரதிப⁴டமோத³த³ ஶரவணப⁴வ பாஹி தே³வஸேநேஶ ॥ 3 ॥
பத³ஜிதபங்கஜ பங்கஜப⁴வபங்கஜநேத்ரமுக்²யஸுரவந்த்³ய ।
பத³வீம் ப்ராபய மஹதீம் ஶரவணப⁴வ பாஹி தே³வஸேநேஶ ॥ 4 ॥
தாரகதை³த்யநிவாரக தாராபதிக³ர்வஹாரிஷட்³வக்த்ர ।
தாரக ப⁴வாம்பு³ராஶே꞉ ஶரவணப⁴வ பாஹி தே³வஸேநேஶ ॥ 5 ॥
பர்வதஸுதாமநோ(அ)ம்பு³ஜஸத்³ய꞉ஸஞ்ஜாதவாஸரேஶததே ।
ஸர்வஶ்ருதிகீ³தவிபோ⁴ ஶரவணப⁴வ பாஹி தே³வஸேநேஶ ॥ 6 ॥
இதி ஶ்ருங்கே³ரிஜக³த்³கு³ரு ஶ்ரீஸச்சிதா³நந்த³ஶிவாபி⁴நவந்ருஸிம்ஹபா⁴ரதீ ஸ்வாமிபி⁴꞉ விரசிதம் ஶ்ரீ ஶரவணப⁴வ தே³வஸேநேஶ ஷட்கம் ।