(ఋ.వే.ఖి.౪.౫)
యాం క॒ల్పయ”న్తి॒ నోఽర॑యః క్రూ॒రాం కృ॒త్యాం వ॒ధూమి॑వ |
తాం బ్ర॑హ్మ॒ణాప॑ నిర్ణు॒ద్మః ప్రత్య॑క్క॒ర్తార॑మృచ్ఛతు || ౧ ||
శీ॒ర్ష॒ణ్వ॒తీం క॑ర్ణవ॒తీం విషు॑రూపాం భయంక॒రీమ్ |
యః ప్రాహి॑ణోది॒హాద్య॒ త్వాం వి తం త్వం యో”జయా॒సుభి॑: || ౨ ||
యేన॒ దిష్టే॒హ వ॑హసి॒ ప్రతి॑కూలమ॒ఘాయి॑ని |
తమే॒వేతో॒ నివ॑ర్తస్వ॒ మాస్మాన్ మృ॑చ్ఛో॒ అనా”గసః || ౩ ||
అభి॒వర్త॑స్వ క॒ర్తార॒o నిర॑స్తా॒స్మాభి॒రోజ॑సా |
ఆయు॑రస్య॒ నికృ॑న్తస్వ ప్ర॒జాం చ॑ పురు॒షాది॑ని || ౪ ||
యస్త్వా” కృ॒త్యే చ॒కారే”హ॒ తం త్వం గ॑చ్ఛ॒ పున॒ర్నవే” |
అరా”తీః కృత్యే నాశయ॒ సర్వా”శ్చ యాతుధా॒న్య॑: || ౫ ||
క్షిప్ర”o కృత్యే॒ నివ॑ర్తస్వ॒ కర్తు॑రే॒వ గృ॒హాన్ ప్ర॑తి |
పశూ”oశ్చై॒వాస్య॑ నాశయ వీ॒రాంశ్చా”స్య॒ ని బ॑ర్హయ || ౬ ||
యస్త్వా” కృ॒త్యే ప్రజి॑ఘాయ వి॒ద్వాన్ అవి॑దుషో॒ గృహాన్॑ |
తస్త్యై॒వేత॒: పరే”త్యా॒శు త॒నుం కృ॑ధి॒ పరు॑ష్పరుః || ౭ ||
ప్ర॒తీచీ”o త్వా॒పసే”ధతు॒ బ్రహ్మ॑ రోచిష్ణ్వమిత్ర॒హా |
అ॒గ్నిశ్చ॒ కృత్యే” రక్షో॒హా రి॑ప్ర॒హా చాజ॑ ఏక॒పాత్ || ౮ ||
యథా॒ త్వాఙ్గి॑రస॒: పూర్వే॒ భృగ॑వ॒శ్చాప॑ సేధి॒రే |
అత్ర॑యశ్చ వ॒సిష్ఠా”శ్చ॒ తథై॒వ త్వాప॑ సేధిమ || ౯ ||
యస్తే॒ ప॑రూంషి॒ సంద॑ధౌ॒ రథ॑స్యేవ వి॒భుర్ధి॒యా |
తం గ॑చ్ఛ॒ తత్ర॒ తేఽయ॑నమ॒జ్ఞాత॑స్తే అ॒యం జన॑: || ౧౦ ||
యో న॑: కశ్చిద్ర॒ణస్థో” వా॒ కశ్చి॑ద్వా॒న్యోఽభి॒ హింస॑తి |
తస్య॒ త్వం ద్రోరి॑వేద్ధో॒ఽగ్నిస్త॒నూమృ॑చ్ఛస్వ హేళి॒తా || ౧౧ ||
భవా” శ॒ర్వా దే॒వహే”ళిమ॒స్యత॑ పాప॒కృత్వ॑నే |
హర॑స్వతీ॒ త్వం చ॑ కృత్యే॒ మోచ్ఛి॑ష॒స్తస్య॑ కించ॒న || ౧౨ ||
యో న॒: కశ్చి॒ద్రుహా”రా॒తిర్మన॑సా॒ ప్రతిభూష॑తి |
దూర॑స్థో॒ వాన్తి॑కస్థో వా తస్య॑ హృద్య॒మసృ॑క్ పిబ || ౧౩ ||
యేనా”సి॒ కృత్యే॒ ప్రహి॑తా దూ॒ఢ్యే”నా॒స్మజ్జి॒ఘాంస॑యా |
తస్య॑ వ్యా॒నచ్చా”వ్యానచ్చ హి॒నస్తు॒ హర॑సా॒శని॑: || ౧౪ ||
యే న॑: శి॒వాస॒: పన్థా”నః పరా॒యన్తి॑ పరా॒వత”మ్ |
తైర్దే”వి॒ రాత్ర్యా”: కృత్యా॒ నో గ॒మయ॑స్వాను॒కృత్త॑యే || ౧౫ ||
యది॒ వైషి॑ ద్వి॒పద్య॒స్మాన్ యది॑ వైషి॒ చతు॑ష్పదీ |
నిర॑స్తే॒తో వ్ర॑జాస్మా॒భిః కర్తు॑ర॒ష్టాప॑దీ గృ॒హాన్ || ౧౬ ||
యో న॒: శపా॒దశ॑పతో॒ యశ్చ॑ న॒: శప॑త॒: శపా”త్ |
వృ॒క్షమి॑వ వి॒ద్యుదాశు॒ తమామూ”లా॒దను॑శోషయ || ౧౭ ||
యం ద్వి॒ష్మో యశ్చ॑ నో॒ ద్వేష్ట్యఘా॒యుర్యశ్చ॑ న॒: శపా”త్ |
శు॒నే పి॒ష్టమి॑వ॒ క్షామ॒o తం ప్రత్య॑స్య॒ స్వమృ॒త్యవే” || ౧౮ ||
యశ్చ॑ సాపత్నః శ॒పథో॒ యశ్చ॒ యామీ” శ॒పాతి॑ నః |
బ్రహ్మా” చ॒ యత్క్రు॒ద్ధః శ॑పా॒త్సర్వ॒o తత్కృ॑ధ్యధస్ప॒దమ్ || ౧౯ ||
సబ”న్ధు॒శ్చాప్య॑బన్ధు॒శ్చ యో అ॒స్మాన్ అభి॒దాస॑తి |
తస్య॒ త్వం భిన్ద్య॑ధి॒ష్ఠాయ॑ ప॒దా విస్ఫూ”ర్య॒ తచ్ఛి॑రః || ౨౦ ||
అ॒భి ప్రేహి॑ సహస్రా॒క్షం యు॒క్త్వా తు॒ శప॑థ॒o రథే” |
శత్రూ॒నన్వి॑చ్ఛతీ॒ కృత్యే” వృ॒కీవా”విమ॒తో గృ॒హాన్ || ౨౧ ||
పరి॑ ణో వృఙ్ధి శ॒పథా॒న్ దహ॑న్న॒గ్నిరి॑వ హ్ర॒దమ్ |
శత్రూ॒నేవా”భి॒తో జ॑హి ది॒వ్యా వృ॒క్షమి॑వా॒శని॑: || ౨౨ ||
శ॒త్రూన్ మే” ప్రోథ శ॒పథా”త్ కృ॒త్యాశ్చ॒ సుహృ॑దో॒ఽసుహృ॑త్ |
జి॒హ్మాః శ్ల॒క్ష్ణాశ్చ॑ దు॒ర్హృద॒: సమి॑ద్ధం జా॒తవే”దసమ్ || ౨౩ ||
అ॒స॒ప॒త్నం పు॒రస్తా”న్నః శి॒వం ద॑క్షిణ॒తః కృ॑ధి |
అభ॑య॒o సత॑తం ప॒శ్చాద్భ॒ద్రము॑త్తర॒తో గృ॒హే || ౨౪ ||
పరే”హి॒ కృత్యే॒ మా తి॑ష్ఠ వి॒ద్ధస్యే”వ ప॒దం న॑య |
మృగ॑స్య॒ హి మృ॑గారి॒పో న త్వా॒ నిక॑ర్తుమర్హతి || ౨౫ ||
అ॒ఘ్న్యాస్యే”వ॒ ఘోర॑రూపే॒ విషు॑రూపే॒ఽవినా”శిని |
జృమ్భి॑తా॒ ప్రతి॑గృభ్ణీష్వ స్వ॒యమా”దాయ॒ చాద్భు॑తమ్ || ౨౬ ||
త్వమి”న్ద్రో య॒మో వరు॑ణ॒స్త్వమాపో॒ఽగ్నిర॑థా॒నిల॑: |
త్వం బ్ర॒హ్మా చైవ॑ రుద్ర॒శ్చ త్వ॒ష్టా చై॑వ ప్ర॒జాప॑తిః || ౨౭ ||
ఆవ॑ర్త॒ధ్వం నివ॑ర్తధ్వ॒మృత॑వః పరివత్స॒రాః |
అ॒హో॒రా॒త్రాశ్చా॒బ్దాశ్చ॒ త్వం దిశ॑: ప్ర॒దిశ॑శ్చ॒ మే || ౨౮ ||
త్వం య॒మం వరు॑ణ॒o సోమ॒o త్వమాపో॒ఽగ్నిమ॑థా॒నిలమ్” |
అత్రా”హృ॒త్య ప॑శూంశ్చై॒వము॒త్పాద॑యసి॒ చాద్భు॑తమ్ || ౨౯ ||
యే మే॒ దమే॒ దారు॒గర్భే॒ శయా”నం ధి॒యా సహి॑త॒o పురు॑ష॒o నిజ॑హ్రుః |
కు॒మ్భీ॒పా॒కం నర॑కం గ్రీ॒వబ॑ద్ధం హ॒తా ఏ॒వం పు॑రు॒షాసో॒ యమ॑స్య || ౩౦ ||
అభ్య॑క్తా॒క్తా స్వ॑లంకృ॒తా సర్వ”o నో దురి॒తం ద॑హ |
జా॒నీ॒థాశ్చైవ॑ కృత్యా॒నాం కర్తౄ॒న్ నౄన్ పా”పచే॒తస॑: || ౩౧ ||
యథా॒ హన్తి॑ పు॒రాసీ”న॒o తథై॒వేష్వా” సు॒కృన్నర॑: |
తథా॒ త్వయా” యు॒జా వ॒యం నికృ॑ణ్మ॒ స్థాస్ను॑ జఙ్గ॒మమ్ || ౩౨ ||
ఉత్తి॑ష్ఠై॒వ పరే”హి॒తోఽజ్ఞా”తే॒ కిమి॒హేచ్ఛ॑సి |
గ్రీ॒వాస్తే” కృత్యే॒ పాదౌ॒ చాభి॒ క॑ర్త్స్యామి॒ విద్ర॑వ || ౩౩ ||
స్వా॒య॒సా॒: సన్తి॑ నో॒ఽసయో” వి॒ద్మ చై”వ పరూ”oషి తే |
తైస్తే॒ నికృ॑ణ్మ॒స్తాన్యు॑గ్రే॒ యది॑ నో జీ॒వయ॒స్వరీన్॑ || ౩౪ ||
మాస్యో॒చ్ఛిషో” ద్వి॒పద॒o మోత॒ కించి॒చ్చ॒తుష్పద”మ్ |
మా జ్ఞా॒తీన॑నుజాన్పూర్వాన్మా వే”శి॒ ప్రతి॑వేశినౌ || ౩౫ ||
శ॒త్రూ॒య॒తా ప్రహి॑తాసి దూ॒ఢ్యేనాభి॒ యథా॒యత॑: |
తత॑స్తథా॒ త్వా ను॑దతు యో॒ఽయమ॒న్తర్మయి॑ శ్రితః || ౩౬ ||
ఏ॒వం త్వ॒o నికృ॑తాస్మా॒భిర్బ్రహ్మ॒ణా దే”వి సర్వ॒శః |
యథే॒తమాశ్రి॑తా గ॒త్వా పాప॒దీని॑వ నో జహి || ౩౭ ||
యథా” వి॒ద్యుద్ధ॑తో వృ॒క్ష ఆమూ”ల॒దాను॒ శుష్య॑తి |
ఏ॒వం స ప్ర॑తిశుష్యతు॒ యో మే” పా॒పం చికీ”ర్షతి || ౩౮ ||
యథా॒ ప్రతి॑శుకో భూ॒త్వా తమే॒వ ప్ర॑తి॒ధావ॑తి |
పా॒పం తమే॒వం ధా”వతు॒ యో మే” పా॒పం చికీ”ర్షతి || ౩౯ ||
యో న॒: స్వో అర॑ణో॒ యశ్చ॒ నిష్ట్యో॒ జిఘా”oసతి |
దే॒వాస్తం సర్వే” ధూర్వన్తు॒ బ్రహ్మ॒ వర్మ॒ మమాన్త॑రమ్ || ౪౦ ||
ఉత్త్వా” మన్దన్తు॒ స్తోమా”: కృణు॒ష్వ రాధో” అద్రివః |
అవ॑ బ్రహ్మ॒ద్విషో” జహి || ౪౧ ||
కుబే”ర॒ తే ము॑ఖం రౌద్రం న॒న్దిన్నా”నన్ద॒మావ॑హ |
జ్వరమృ॒త్యుభ॑యం ఘో॒రం వి॒శ నా”శయ॒ మే జ్వ॑రమ్ || ౪౨ ||
యో మే” క॒రోతి॑ ప్రద్వా॒రే యో గృ॒హే యో ని॒వేశ॑నే |
యో మే” కే॒శన॑ఖే కు॒ర్యాదఞ్జ॒నే” దన్త॒ధావ॑నే || ౪౩ ||
ప్రతి॑సర॒ ప్రతి॑ధావ కుమా॒రీవ॑ పి॒తుర్గృ॑హాన్ |
మూ॒ర్ధాన॑మేషాం స్ఫోటయ ప॒దమే”షాం కు॒లే కృ॑ధి || ౪౪ ||
యే నో” ర॒యిం దు॑శ్చరి॒తాసో” అగ్నే జ॒హ్రుర్మర్తా”సో॒ అనృ॑త॒o వద”న్తః |
తేషా॒o వపూ”oష్య॒ర్చిషా” జాతవేదః శు॒ష్కం న వృ॒క్షమ॒భి సం ద॑హస్వ || ౪౫ ||
కృష్ణ॑వ॒ర్ణే మ॑హద్రూ॒పే బృ॒హత్క॑ర్ణే మ॒హద్భ॑యే |
దేవి॑ దే॒వి మ॑హాదే॒వి మ॒మ శ॑త్రూన్ వి॒నాశ॑య || ౪౬ ||
ఖట్ ఫ॑ట్ జ॒హి మ॑హాకృ॒త్యే వి॒ధూమా”గ్నిస॒మప్ర॑భే |
జ॒హి శ॒త్రూంస్త్రి॑శూలే॒న క్రు॒ధ్యస్వ॑ పిబ॒ శోణి॑తమ్ || ౪౭ ||
యే ద్రు॒హ్యురృ॒జవే॒ మహ్య॑మగ్నే క॒దాధియో” దుర్మ॒దా అశ్మ॑నాసః |
ఆబ॒ధ్యైతా”న్ శో॒చిషా” విధ్య॒ తన్తూన్॑ వైవస్వ॒తస్య॒ సద॑నం నయస్వ || ౪౮ ||