namō:’stu gaṇanāthāya siddhibuddhiyutāya ca |
sarvapradāya dēvāya putravr̥ddhipradāya ca || 1 ||
gurūdarāya guravē gōptrē guhyāsitāya tē |
gōpyāya gōpitāśēṣabhuvanāya cidātmanē || 2 ||
viśvamūlāya bhavyāya viśvasr̥ṣṭikarāya tē |
namō namastē satyāya satyapūrṇāya śuṇḍinē || 3 ||
ēkadantāya śuddhāya sumukhāya namō namaḥ |
prapannajanapālāya praṇatārtivināśinē || 4 ||
śaraṇaṁ bhava dēvēśa santatiṁ sudr̥ḍhā kuru |
bhaviṣyanti ca yē putrā matkulē gaṇanāyaka || 5 ||
tē sarvē tava pūjārthaṁ niratāḥ syurvarōmataḥ |
putrapradamidaṁ stōtraṁ sarvasiddhipradāyakam || 6 ||
iti santāna gaṇapati stōtraṁ sampūrṇam |
See more śrī gaṇēśa stōtrāṇi for chanting.
Click & Join our Whats app group