durgāṁ śivāṁ śāntikarīṁ brahmāṇīṁ brahmaṇaḥ priyām |
sarvalōkapraṇētrīṁ ca praṇamāmi sadāśivām || 1 ||
maṅgalāṁ śōbhanāṁ śuddhāṁ niṣkalāṁ paramāṁ kalām |
viśvēśvarīṁ viśvamātāṁ caṇḍikāṁ praṇamāmyaham || 2 ||
sarvadēvamayīṁ dēvīṁ sarvarōgabhayāpahām |
brahmēśaviṣṇunamitāṁ praṇamāmi sadā umām || 3 ||
vindhyasthāṁ vindhyanilayāṁ divyasthānanivāsinīm |
yōginīṁ yōgamātāṁ ca caṇḍikāṁ praṇamāmyaham || 4 ||
īśānamātaraṁ dēvīmīśvarīmīśvarapriyām |
praṇatō:’smi sadā durgāṁ saṁsārārṇavatāriṇīm || 5 ||
ya idaṁ paṭhatē stōtraṁ śr̥ṇuyādvāpi yō naraḥ |
sa muktaḥ sarvapāpaistu mōdatē durgayā saha || 6 ||
iti śivarahasyē śrī durgā stōtram |
See more śrī durgā stōtrāṇi