mātaṅgī vijayā śyāmā sacivēśī śukapriyā |
nīpapriyā kadambēśī madaghūrṇitalōcanā || 1 ||
bhaktānuraktā mantrēśī puṣpiṇī mantriṇī śivā |
kalāvatī raktavastrā:’bhirāmā ca sumadhyamā || 2 ||
trikōṇamadhyanilayā cārucandrāvataṁsinī |
rahaḥpūjyā rahaḥkēliḥ yōnirūpā mahēśvarī || 3 ||
bhagapriyā bhagārādhyā subhagā bhagamālinī |
ratipriyā caturbāhuḥ suvēṇī cāruhāsinī || 4 ||
madhupriyā śrījananī śarvāṇī ca śivātmikā |
rājyalakṣmīpradā nityā nīpōdyānanivāsinī || 5 ||
vīṇāvatī kambukaṇṭhī kāmēśī yajñarūpiṇī |
saṅgītarasikā nādapriyā nīlōtpaladyutiḥ || 6 ||
mataṅgatanayā lakṣmīḥ vyāpinī sarvarañjinī |
divyacandanadigdhāṅgī yāvakārdrapadāmbujā || 7 ||
kastūrītilakā subhrūrbimbōṣṭhī ca madālasā |
vidyārājñī bhagavatī sudhāpānānumōdinī || 8 ||
śaṅkhatāṭaṅkinī guhyā yōṣitpuruṣamōhinī |
kiṅkarībhūtagīrvāṇī kaulinyakṣararūpiṇī || 9 ||
vidyutkapōlaphalikā muktāratnavibhūṣitā |
sunāsā tanumadhyā ca śrīvidyā bhuvanēśvarī || 10 ||
pr̥thustanī brahmavidyā sudhāsāgaravāsinī |
guhyavidyā:’navadyāṅgī yantriṇī ratilōlupā || 11 ||
trailōkyasundarī ramyā sragviṇī kīradhāriṇī |
ātmaikyasumukhībhūtajagadāhlādakāriṇī || 12 ||
kalpātītā kuṇḍalinī kalādhārā manasvinī |
acintyānantavibhavā ratnasiṁhāsanēśvarī || 13 ||
padmāsanā kāmakalā svayambhūkusumapriyā |
kalyāṇī nityapuṣpā ca śāmbhavī varadāyinī || 14 ||
sarvavidyāpradā vācyā guhyōpaniṣaduttamā |
nr̥pavaśyakarī bhōktrī jagatpratyakṣasākṣiṇī || 15 ||
brahmaviṣṇvīśajananī sarvasaubhāgyadāyinī |
guhyātiguhyagōptrī ca nityaklinnā:’mr̥tōdbhavā || 16 ||
kaivalyadātrī vaśinī sarvasampatpradāyinī |
śyāmalāyā nāmaśataṁ sāṣṭakaṁ paṭhatō vaśē |
śrīḥ kīrtirvākpaṭutvaṁ ca vidvatsaṁmānanaṁ jayaḥ || 17 ||
iti śrī śyāmalāṣṭōttaraśatanāma stōtram |