atulitabaladhāmaṁ hēmaśailābhadēhaṁ
danujavanakr̥śānuṁ jñānināmagragaṇyam |
sakalaguṇanidhānaṁ vānarāṇāmadhīśaṁ
raghupatipriyabhaktaṁ vātajātaṁ namāmi || 1 ||
gōṣpadīkr̥tavārīśaṁ maśakīkr̥tarākṣasam |
rāmāyaṇamahāmālāratnaṁ vandē:’nilātmajam || 2 ||
añjanānandanaṁ vīraṁ jānakīśōkanāśanam |
kapīśamakṣahantāraṁ vandē laṅkābhayaṅkaram || 3 ||
mahāvyākaraṇāmbhōdhi-manthamānasamandaram |
kavayantaṁ rāmakīrtyā hanumantamupāsmahē || 4 ||
ullaṅghya sindhōḥ salilaṁ salīlaṁ
yaḥ śōkavahniṁ janakātmajāyāḥ |
ādāya tēnaiva dadāha laṅkāṁ
namāmi taṁ prāñjalirāñjanēyam || 5 ||
manōjavaṁ mārutatulyavēgaṁ
jitēndriyaṁ buddhimatāṁ variṣṭham |
vātātmajaṁ vānarayūthamukhyaṁ
śrīrāmadūtaṁ śirasā namāmi || 6 ||
āñjanēyamatipāṭalānanaṁ
kāñcanādrikamanīyavigraham |
pārijātatarumūlavāsinaṁ
bhāvayāmi pavamānanandanam || 7 ||
yatra yatra raghunāthakīrtanaṁ
tatra tatra kr̥tamastakāñjalim |
bāṣpavāriparipūrṇalōcanaṁ
mārutiṁ namata rākṣasāntakam || 8 ||