dhyānam –
vyākhyārudrākṣamālē kalaśasurabhitē bāhubhirvāmapādaṁ
bibhrāṇō jānumūrdhnā vaṭatarunivr̥tāvasyadhō vidyamānaḥ |
sauvarṇē yōgapīṭhē lipimayakamalē sūpaviṣṭastriṇētraḥ
kṣīrābhaścandramaulirvitaratu nitarāṁ śuddhabuddhiṁ śivō naḥ ||
stōtram –
vidyārūpī mahāyōgī śuddhajñānī pinākadhr̥t |
ratnālaṅkr̥tasarvāṅgō ratnamālī jaṭādharaḥ || 1 ||
gaṅgādhāryacalāvāsī sarvajñānī samādhidhr̥t |
apramēyō yōganidhistārakō bhaktavatsalaḥ || 2 ||
brahmarūpī jagadvyāpī viṣṇumūrtiḥ purāntakaḥ |
ukṣavāhaścarmavāsāḥ pītāmbaravibhūṣaṇaḥ || 3 ||
mōkṣasiddhirmōkṣadāyī dānavārirjagatpatiḥ |
vidyādhārī śuklatanuḥ vidyādāyī gaṇādhipaḥ || 4 ||
pāpāpasmr̥tisaṁhartā śaśimaulirmahāsvanaḥ |
sāmapriyaḥ svayaṁ sādhuḥ sarvadēvairnamaskr̥taḥ || 5 ||
hastavahnidharaḥ śrīmān mr̥gadhārī ca śaṅkaraḥ |
yajñanāthaḥ kratudhvaṁsī yajñabhōktā yamāntakaḥ || 6 ||
bhaktānugrahamūrtiśca bhaktasēvyō vr̥ṣadhvajaḥ |
bhasmōddhūlitasarvāṅgō:’pyakṣamālādharō mahān || 7 ||
trayīmūrtiḥ paraṁ brahma nāgarājairalaṅkr̥taḥ |
śāntarūpō mahājñānī sarvalōkavibhūṣaṇaḥ || 8 ||
ardhanārīśvarō dēvō munisēvyaḥ surōttamaḥ |
vyākhyānadēvō bhagavān agnicandrārkalōcanaḥ || 9 ||
jagatsraṣṭā jagadgōptā jagaddhvaṁsī trilōcanaḥ |
jagadgururmahādēvō mahānandaparāyaṇaḥ || 10 ||
jaṭādhārī mahāvīrō jñānadēvairalaṅkr̥taḥ |
vyōmagaṅgājalasnātā siddhasaṅghasamarcitaḥ || 11 ||
tattvamūrtirmahāyōgī mahāsārasvatapradaḥ |
vyōmamūrtiśca bhaktānāmiṣṭakāmaphalapradaḥ || 12 ||
vīramūrtirvirūpī ca tējōmūrtiranāmayaḥ |
vēdavēdāṅgatattvajñaścatuṣṣaṣṭikalānidhiḥ || 13 ||
bhavarōgabhayadhvaṁsī bhaktānāmabhayapradaḥ |
nīlagrīvō lalāṭākṣō gajacarmā ca jñānadaḥ || 14 ||
arōgī kāmadahanastapasvī viṣṇuvallabhaḥ |
brahmacārī ca saṁnyāsī gr̥hasthāśramakāraṇaḥ || 15 ||
dāntaśamavatāṁ śrēṣṭhaḥ sattvarūpadayānidhiḥ |
yōgapaṭṭābhirāmaśca vīṇādhārī vicētanaḥ || 16 ||
mantraprajñānugācārō mudrāpustakadhārakaḥ |
rāgahikkādirōgāṇāṁ vinihantā surēśvaraḥ || 17 ||
iti śrī dakṣiṇāmūrtyaṣṭōttaraśatanāma stōtram ||