మహాదేవం మహాత్మానం సర్వస్య జగతః పతిమ్ || ౧ ||
బ్రహ్మాణం లోకకర్తారం సర్వజ్ఞమపరాజితమ్ |
ప్రభుం భూతభవిష్యస్య సాంప్రతస్య చ సత్పతిమ్ || ౨ ||
జ్ఞానమప్రతిమం యస్య వైరాగ్యం చ జగత్పతేః |
ఐశ్వర్యం చైవ ధర్మశ్చ సహసిద్ధిచతుష్టయః || ౩ ||
య ఇమాన్ పశ్యతే భావాన్ నిత్యం సదసదాత్మకాన్ |
ఆవిశంతి పునస్తం వై క్రియాభావార్థమీశ్వరమ్ || ౪ ||
లోకకృల్లోకతత్త్వజ్ఞో యోగమాస్థాయ తత్త్వవిత్ |
అసృజత్ సర్వభూతాని స్థావరాణి చరాణి చ || ౫ ||
తమజం విశ్వకర్మాణం చిత్పతిం లోకసాక్షిణమ్ |
పురాణాఖ్యానజిజ్ఞాసుర్వ్రజామి శరణం ప్రభుమ్ || ౬ ||
ఇతి శ్రీ వాయుపురాణే ప్రథమోఽధ్యాయే వ్యాస కృత శ్రీ బ్రహ్మ స్తుతిః ||