నమో నమస్తే జగదేకపాత్రే |
నమో నమస్తే జగదేకహర్త్రే
రజస్తమఃసత్త్వగుణాయ భూమ్నే || ౧ ||
అండం చతుర్వింశతితత్త్వజాతం
తస్మిన్ భవానేష విరంచినామా |
జగచ్ఛరణ్యో జగదుద్వమన్ స్వయం
పితామహస్త్వం పరిగీయసే బుధైః || ౨ ||
త్వం సర్వసాక్షీ జగదంతరాత్మా
హిరణ్యగర్భో జగదేకకర్తా |
హర్తా తథా పాలయితాసి దేవ
త్వత్తో న చాన్యత్ పరమస్తి కించిత్ || ౩ ||
త్వమాదిదేవః పురుషః పురాణః
సాక్షాత్ స్వయం జ్యోతిరజః పరేశః |
త్వన్మాయయా మోహితచేతసో యే
పశ్యంతి నానాత్త్వమహో త్వయీశే || ౪ ||
త్వమాద్యః పురుషః పూర్ణస్త్వమనంతో నిరాశ్రయః |
సృజసి త్వం చ భూతాని భూతైరేవాత్మమాయయా || ౫ ||
త్వయా సృష్టమిదం విశ్వం సచరాచరమోజసా |
కథం న పాలయస్యేతత్ జ్వలదాకస్మికాగ్నినా || ౬ ||
వినాశమేష్యతి జగత్ త్వయా సృష్టమిదం ప్రభో |
న జానీమో వయం తత్ర కారణం తద్విచింత్యతామ్ || ౭ ||
కోఽయం వహ్నిరపూర్వోఽయముత్థితః పరితో జ్వలన్ |
తేనోద్విగ్నమిదం విశ్వం ససురాసురమానవమ్ || ౮ ||
తస్య త్వం శమనోపాయం విచారయ మహామతే |
న చేదద్య భవిష్యంతి లోకా భస్మావశేషితాః || ౯ ||
ఇతి శ్రీమాహేశ్వరతంత్రాంతర్గతా శ్రీ బ్రహ్మా స్తుతిః |