மத்தரோக³ஶிரோபரிஸ்தி²தந்ருத்யமாநபதா³ம்பு³ஜம்
ப⁴க்தசிந்திதஸித்³தி⁴காலவிசக்ஷணம் கமலேக்ஷணம் ।
பு⁴க்திமுக்திப²லப்ரத³ம் பு⁴வி பத்³மஜாச்யுதபூஜிதம்
த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 1 ॥
வித்தத³ப்ரியமர்சிதம் க்ருதக்ருஶா தீவ்ரதபோவ்ரதை꞉
முக்திகாமிபி⁴ராஶ்ரிதை꞉ முஹுர்முநிபி⁴ர்த்³ருட⁴மாநஸை꞉ ।
முக்தித³ம் நிஜபாத³பங்கஜஸக்தமாநஸயோகி³நாம்
த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 2 ॥
க்ருத்தத³க்ஷமகா²தி⁴பம் வரவீரப⁴த்³ரக³ணேந வை
யக்ஷராக்ஷஸமர்த்யகிந்நரதே³வபந்நக³வந்தி³தம் ।
ரத்நபு⁴க்³க³ணநாத²ப்⁴ருத்³ப்⁴ரமரார்சிதாங்க்⁴ரிஸரோருஹம்
த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 3 ॥
நக்தநாத³கலாத⁴ரம் நக³ஜாபயோத⁴ரமண்ட³லம்
லிப்தசந்த³நபங்ககுங்குமமுத்³ரிதாமலவிக்³ரஹம் ।
ஶக்திமந்தமஶேஷஸ்ருஷ்டிவிதா⁴நகே ஸகலம் ப்ரபு⁴ம்
த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 4 ॥
ரக்தநீரஜதுல்யபாத³பயோஜ ஸந்மணி நூபுரம்
ப³ந்த⁴நத்ரயபே⁴த³ பேஶல பங்கஜாக்ஷ ஶிலீமுக²ம் ।
ஹேமஶைலஶராஸநம் ப்ருது² ஶிஞ்ஜிநீக்ருத த³க்ஷகம்
த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 5 ॥
ய꞉ படே²ச்ச தி³நே தி³நே ஸ்தவபஞ்சரத்நமுமாபதே꞉
புராதலே மயாக்ருதம் நிகி²லாக³மமூலமஹாநலம் ।
தஸ்ய புத்ரகளத்ரமித்ரத⁴நாநி ஸந்து க்ருபாப³லாத்
தே மஹேஶ்வர ஶங்கராகி²லவிஶ்வநாயக ஶாஶ்வத ॥ 6 ॥
இதி அக³ஸ்த்ய க்ருத ஶ்ரீ த³க்ஷிணாமூர்தி பஞ்சரத்ந ஸ்தவம் ।