కరుణావరుణావాసం భక్తకల్పతరుం గురుమ్ || ౧ ||
ఉల్లసత్ పీతవిద్యోతి విద్యోతిత తనుత్రయమ్ |
నిగమాగమసర్వస్వమీడేఽహం తన్మహన్మహః || ౨ ||
ఓం పూర్వం స్థిరమాయాం చ బగలాముఖి సర్వతః |
దుష్టానాం వాచముచ్చార్య ముఖం పదం తథోద్ధరేత్ || ౩ ||
స్తంభయేతి తతో జిహ్వాం కీలయేతి సముద్ధరేత్ |
బుద్ధిం వినాశయేతి పదం స్థిరమాయామనుస్మరేత్ || ౪ ||
ప్రణవం వహ్నిజాయా చేత్యేవ పైతాంబరో మనుః |
పాతు మాం సర్వదా సర్వం నిగ్రహానుగ్రహక్షమః || ౫ ||
కంఠం నారద ఋషిః పాతు పంక్తిశ్ఛందోఽవతాన్ముఖమ్ |
పీతాంబరా దేవతా తు హృన్మధ్యమవతాన్మమ || ౬ ||
హ్లీం బీజం స్తనయోర్మేఽవ్యాత్ స్వాహా శక్తిశ్చ దంతయోః |
స కీలకం తథా గుహ్యే వినియోగోఽవతాద్వపుః || ౭ ||
షడ్దీర్ఘభాజా బీజేన న్యాసోఽవ్యాన్మే కరాదికమ్ |
ద్విపంచపంచ నందేషు దశభిర్మంత్రవర్ణకైః || ౮ ||
షడంగకల్పనా పాతు షడంగాని హ్యనుక్రమాత్ |
ఐం విద్యాతత్త్వం క్లీం మాయాతత్త్వం సౌశ్చ శివాత్మకమ్ || ౯ ||
తత్త్వత్రయం సం బీజం చ మూలం హృత్కంఠ మధ్యగః |
సుధాబ్ధౌ హేమభూరూఢ చంపకోద్యాన మధ్యతః || ౧౦ ||
గారుడోత్పలనిర్వ్యూఢ స్వర్ణసింహాసనోపరి |
స్వర్ణపంకజసంవిష్టాం త్రినేత్రాం శశిశేఖరామ్ || ౧౧ ||
పీతాలంకారవసనాం మల్లీచందనశోభితామ్ |
సవ్యాభాం పంచశాఖాయాం వజ్రం జిహ్వాం చ బిభ్రతీమ్ || ౧౨ ||
ముద్గరం నాగపాశం చ దక్షిణాభ్యాం మదాలసామ్ |
భక్తారివిగ్రహోద్యోగప్రగల్భాం బగళాముఖీమ్ || ౧౩ ||
ధ్యాయమానస్య మే పాతు శాస్త్రవోద్వేషణే భృశమ్ |
భూకలాదలదిక్పత్రషట్కోణం త్ర్యస్త్రబైందుకమ్ || ౧౪ ||
యంత్రం పైతాంబరం పాతు సా మాం పాయాదవిగ్రహా |
ఆధారశక్తిమారభ్య జ్ఞానాత్మాంతాస్తు శక్తయః || ౧౫ ||
పీఠాద్యాః పాంతు పీఠేఽత్రం ప్రథమం మాం చ రక్షతు |
శాంతిశంఖవిశేషాత్మశక్తిభూతాని పాంతు మామ్ || ౧౬ ||
ఆవాహనాద్యాః పంచాపి ముద్రాశ్చ సుమనోజలైః |
త్రికోణమధ్యమారభ్య పూజితా బగళాముఖి || ౧౭ ||
క్రోధినీ స్తంభినీ చాపి ధారిణ్యశ్చాపి మధ్యగాః |
ఓజః పూషాదిపీఠాని కోణాగ్రేషు స్థితాని వై || ౧౮ ||
త్రికోణ బాహ్యతః సిద్ధనాథాద్యా గురవస్తథా |
సిద్ధనాథః సిద్ధానందనాథః సిద్ధపరమేష్ఠి హి || ౧౯ ||
నాథః సిద్ధః శ్రీకంఠశ్చ నాథః సిద్ధచతుష్టయమ్ |
పాతు మామథ షట్కోణే సుభగా భగరూపిణీ || ౨౦ ||
భగోదయా చ భగనిపాతినీ భగమాలినీ |
భగవాహా చ మాం పాతు షట్కోణాగ్రేషు చ క్రమాత్ || ౨౧ ||
త్వగాత్మా శోణితాత్మా చ మాంసాత్మా మేదసాత్మకః |
రూపాత్మా పరమాత్మా చ పాతు మాం స్థిరవిగ్రహా || ౨౨ ||
అష్టపత్రేషు మూలేషు బ్రాహ్మీ మాహేశ్వరీ తథా |
కౌమారీ వైష్ణవీ వారాహీంద్రాణీ చ తథా పునః || ౨౩ ||
చాముండా చ మహాలక్ష్మీస్తత్ర మధ్యే పునర్జయా |
విజయా చ జయాంబా చ రాజితా జృంభిణీ తథా || ౨౪ ||
స్తంభినీ మోహినీ వశ్యాఽకర్షిణ్యథ తదగ్రకే |
అసితాంగో రురుశ్చండః క్రౌధోన్మత్తకపాలినః |
భీషణాశ్చాపి సంహార ఏతే రక్షంతు మాం సదా || ౨౫ ||
తతః షోడశపత్రేషు మంగళా స్తంభినీ తథా |
జృంభిణీ మోహినీ వశ్యా జ్వాలా సింహీ బలాహకా || ౨౬ ||
భూధరా కల్మషా ధాత్రీ కన్యకా కాలకర్షిణీ |
భాంతికా మందగమనా భోగస్థా భావకేతి చ || ౨౭ ||
పాతు మామథ భూసద్మ దశదిక్షు దిగీశ్వరాః |
ఇంద్రోఽనలో యమో రక్షో వరుణో మారుతః శశీ || ౨౮ ||
ఈశోఽనంతః స్వయంభూశ్చ దశైతే పాంతు మే వపుః |
వజ్రశక్తిర్దండఖడ్గౌ పాశాంకుశగదాః క్రమాత్ |
శూలం చక్రం సరోజం చ తత్తచ్ఛస్త్రాణి పాంతు మామ్ || ౨౯ ||
అథ చ పూర్వాది చతుర్ద్వారేషు పరతః క్రమాత్ |
పాతు విఘ్నేశబటుకౌ యోగినీ క్షేత్రపాలకః || ౩౦ ||
గురుత్రయం త్రిరేఖాసు పాతు మే వపురంజసా |
పునః పీతాంబరా పాతు ఉపచారైః ప్రపూజితా || ౩౧ ||
సాంగావరణశక్తిశ్చ జయశ్రీః పాతు సర్వదా |
వలయం బటుకాదిభ్యో రక్షాం కుర్వంతు మే సదా || ౩౨ ||
శక్తయః సాధకా వీరాః పాంతు మే దేవతా ఇమాః |
ఇత్యర్చాక్రమతః ప్రోక్తం స్తోత్రం పైతాంబరం పరమ్ || ౩౩ ||
యః పఠేత్ సకృదప్యేతత్ సోఽర్చాఫలమవాప్నుయాత్ |
సర్వథా కారయేత్ క్షిప్రం ప్రపద్యంతే గదాతురాన్ || ౩౪ ||
రాజానో రాజపత్న్యాశ్చ పౌరజానపదాస్తథా |
వశగాస్తస్య జాయంతే సతతం సేవకా ఇవ || ౩౫ ||
గురుకల్పాశ్చ విబుధా మూకతాం యాంతి తేఽగ్రతః |
స్థిరా భవతి తద్గేహే చపలాపి హరిప్రియా || ౩౬ ||
పీతాంబరాంగవసనో యది లక్షసంఖ్యం
పైతాంబరం మనుమముం ప్రజపేన్నరో యః |
హేమీ సకృన్నియమవాన్ విధినా హరిద్రా-
-మాలాం దధద్భవతి తద్వశగా త్రిలోకీ || ౩౭ ||
భవాని బగళాముఖి త్రిదశకల్పవల్లి ప్రభో
కృపాజలనిధే తవ చరణధూతబాధాఖిలః |
సురాసురనరాదికసకలభక్తభాగ్యప్రదే
త్వదంఘ్రిసరసీరుహద్వయమహం తు ధ్యాయే సదా || ౩౮ ||
త్వమస్య జగతాం జనిస్థితివినాశబీజం నిజ-
-ప్రకాశబహులద్యుతిర్భవతి భక్తహృన్మధ్యగా |
త్రయీమను సుపూజితా హరిహరాది వృందారకై-
-రనుక్షణమనుక్షణం మయి శివే క్షణం వీక్ష్యతామ్ || ౩౯ ||
శివే తవ తనూమహం హరిహరాద్యగమ్యాం పరాం
నిఖిలతాపప్రత్యూహహృదయాభావయుక్తాం స్మరే |
విదారయ విచూర్ణయ గ్లపయ శోషయ స్తంభయ
ప్రణోదయ విరోధయ ప్రవిలయ ప్రబద్ధారిణామ్ || ౪౦ ||
పార్వతి కృపాలసన్మయి కటాక్షపాతం మనా-
-గనాకులతయా క్షణం క్షిప విపక్షసంక్షోభిణి |
యదీక్షణపథం గతః సకృదపి ప్రభుః కశ్చన
స్ఫుటం మమ వశం వదో భవతు తేన పీతాంబరే || ౪౧ ||
ఓం నమో భగవతే మహారుద్రాయ హుం ఫట్ స్వాహా |
ఇతి అథర్వణరహస్యే శ్రీ బగళాముఖీ స్తవరాజః ||