యాం తే॑ చ॒క్రురా॒మే పాత్రే॒ యాం చ॒క్రుర్మి॒శ్రధా॑న్యే |
ఆ॒మే మా॒oసే కృ॒త్యాం యాం చ॒క్రుః పున॒: ప్రతి॑ హరామి॒ తామ్ || ౧ ||
యాం తే॑ చ॒క్రుః కృ॑క॒వాకా॑వ॒జే వా॒ యాం కు॑రీ॒రిణి॑ |
అవ్యాం తే కృత్యాం యాం చ॒క్రుః పున॒: ప్రతి॑ హరామి॒ తామ్ || ౨ ||
యాం తే॑ చ॒క్రురేక॑శఫే పశూ॒నాముభ॒యాద॑తి |
గ॒ర్ద॒భే కృ॒త్యాం యాం చ॒క్రుః పున॒: ప్రతి॑ హరామి॒ తామ్ || ౩ ||
యాం తే॑ చ॒క్రుర॑మూ॒లాయా॑o వల॒గం వా॑ నరా॒చ్యామ్ |
క్షేత్రే॑ తే కృ॒త్యాం యాం చ॒క్రుః పున॒: ప్రతి॑ హరామి॒ తామ్ || ౪ ||
యాం తే॑ చ॒క్రుర్గార్హ॑పత్యే పూర్వా॒గ్నావు॒త దు॒శ్చిత॑: |
శాలా॑యాం కృ॒త్యాం యాం చ॒క్రుః పున॒: ప్రతి॑ హరామి॒ తామ్ || ౫ ||
యాం తే॑ చ॒క్రుః స॒భాయా॒o యాం చ॒క్రుర॑ధి॒దేవ॑నే |
అ॒క్షేషు॑ కృ॒త్యాం యాం చ॒క్రుః పున॒: ప్రతి॑ హరామి॒ తామ్ || ౬ ||
యాం తే॑ చ॒క్రుః సేనా॑యా॒o యాం చ॒క్రురి॑ష్వాయు॒ధే |
దు॒న్దు॒భౌ కృ॒త్యాం యాం చ॒క్రుః పున॒: ప్రతి॑ హరామి॒ తామ్ || ౭ ||
యాం తే॑ కృ॒త్యాం కూపే॑ఽవద॒ధుః శ్మ॑శా॒నే వా॑ నిచ॒ఖ్నుః |
సద్మ॑ని కృ॒త్యాం యాం చ॒క్రుః పున॒: ప్రతి॑ హరామి॒ తామ్ || ౮ ||
యాం తే॑ చ॒క్రుః పు॑రుషా॒స్థే అ॒గ్నౌ సఙ్క॑సుకే చ॒ యామ్ |
మ్రో॒కం ని॑ర్దా॒హం క్ర॒వ్యాద॒o పున॒: ప్రతి॑ హరామి॒ తామ్ || ౯ ||
అప॑థే॒నా జ॑భారైణా॒o తాం ప॒థేతః ప్ర హి॑ణ్మసి |
అధీ॑రో మర్యా॒ధీరే॑భ్య॒: సం జ॑భా॒రాచి॑త్త్యా || ౧౦ ||
యశ్చ॒కార॒ న శ॒శాక॒ కర్తు॑o శ॒శ్రే పాద॑మ॒ఙ్గురి॑మ్ |
చ॒కార॑ భ॒ద్రమ॒స్మభ్య॑మభ॒గో భగ॑వద్భ్యః || ౧౧ ||
కృ॒త్యా॒కృత॑o వల॒గిన॑o మూ॒లిన॑o శపథే॒య్యమ్ |
ఇన్ద్ర॒స్తం హ॑న్తు మహ॒తా వ॒ధేనా॒గ్నిర్వి॑ధ్యత్వ॒స్తయా॑ || ౧౨ ||
ఇతి అథర్వవేదే పంచమకాండే షష్ఠోఽనువాకే కృత్యాపరిహరణ సూక్తమ్ ||