ಸಕಲಜಗತ್ಸ್ಥಿತಿಸಂಯಮಾದಿ ಹೇತುಮ್ |
ಉಪರತಮನೋಯೋಗಿಹೃನ್ಮಂದಿರಂ ತಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ || ೧ ||
ನಿರವಧಿಸುಖಮಿಷ್ಟದಾತಾರಮೀಡ್ಯಂ
ನತಜನಮನಸ್ತಾಪಭೇದೈಕದಕ್ಷಮ್ |
ಭವವಿಪಿನದವಾಗ್ನಿನಾಮಧೇಯಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ || ೨ ||
ತ್ರಿಭುವನಗುರುಮಾಗಮೈಕಪ್ರಮಾಣಂ
ತ್ರಿಜಗತ್ಕಾರಣಸೂತ್ರಯೋಗಮಾಯಮ್ |
ರವಿಶತಭಾಸ್ವರಮೀಹಿತಪ್ರದಾನಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ || ೩ ||
ಅವಿರತಭವಭಾವನಾಽತಿದೂರಂ
ಪದಪದ್ಮದ್ವಯಭಾವಿನಾಮದೂರಮ್ |
ಭವಜಲಧಿಸುತಾರಣಾಂಘ್ರಿಪೋತಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ || ೪ ||
ಕೃತನಿಲಯಮನಿಶಂ ವಟಾಕಮೂಲೇ
ನಿಗಮಶಿಖಾವ್ರಾತಬೋಧಿತೈಕರೂಪಮ್ |
ಧೃತಮುದ್ರಾಂಗುಳಿಗಮ್ಯಚಾರುಬೋಧಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ || ೫ ||
ದ್ರುಹಿಣಸುತಪೂಜಿತಾಂಘ್ರಿಪದ್ಮಂ
ಪದಪದ್ಮಾನತಮೋಕ್ಷದಾನದಕ್ಷಮ್ |
ಕೃತಗುರುಕುಲವಾಸಯೋಗಿಮಿತ್ರಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ || ೬ ||
ಯತಿವರಹೃದಯೇ ಸದಾ ವಿಭಾಂತಂ
ರತಿಪತಿಶತಕೋಟಿಸುಂದರಾಂಗಮಾದ್ಯಮ್ |
ಪರಹಿತನಿರತಾತ್ಮನಾಂ ಸುಸೇವ್ಯಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ || ೭ ||
ಸ್ಮಿತಧವಳವಿಕಾಸಿತಾನನಾಬ್ಜಂ
ಶ್ರುತಿಸುಲಭಂ ವೃಷಭಾಧಿರೂಢಗಾತ್ರಮ್ |
ಸಿತಜಲಜಸುಶೋಭಿದೇಹಕಾಂತಿಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ || ೮ ||
ವೃಷಭಕೃತಮಿದಮಿಷ್ಟಸಿದ್ಧಿದಂ
ಗುರುವರದೇವಸನ್ನಿಧೌ ಪಠೇದ್ಯಃ |
ಸಕಲದುರಿತದುಃಖವರ್ಗಹಾನಿಂ
ವ್ರಜತಿ ಚಿರಂ ಜ್ಞಾನವಾನ್ ಶಂಭುಲೋಕಮ್ || ೯ ||
ಇತಿ ಶ್ರೀವೃಷಭದೇವ ಕೃತ ಶ್ರೀ ದಕ್ಷಿಣಾಮೂರ್ತ್ಯಷ್ಟಕಮ್ ||