ವದಾನ್ಯಾಯ ವರೇಣ್ಯಾಯ ವಾಮದೇವಾಯ ಮಂಗಳಮ್ || ೧ ||
ವಲ್ಲೀಶವಿಘ್ನರಾಜಾಭ್ಯಾಂ ವಂದಿತಾಯ ವರೀಯಸೇ |
ವಿಶ್ವಾರ್ತಿಹರಣಾಯಾಽಸ್ತು ವಿಶ್ವನಾಥಾಯ ಮಂಗಳಮ್ || ೨ ||
ಕಳ್ಯಾಣವರದಾನಾಯ ಕರುಣಾನಿಧಯೇ ಕಲೌ |
ಕಮಲಾಪತಿಕಾಂತಾಯ ಕಲ್ಪರೂಪಾಯ ಮಂಗಳಮ್ || ೩ ||
ಸರ್ವಾರಿಷ್ಟವಿನಾಶಾಯ ಸರ್ವಾಭೀಷ್ಟಪ್ರದಾಯಿನೇ |
ಸರ್ವಮಂಗಳರೂಪಾಯ ಸದ್ಯೋಜಾತಾಯ ಮಂಗಳಮ್ || ೪ ||
ಈತಿಭೀತಿನಿವಾರಾಯ ಚೇತಿಹಾಸಾಽಭಿವಾದಿನೇ |
ಈಷಣಾತ್ರಯಹಾರಾಯ ಚೇಶಾನೋರ್ಧ್ವಾಯ ಮಂಗಳಮ್ || ೫ ||
ಅತಿಸೌಮ್ಯಾಽತಿರುದ್ರಾಯ ಅವಿರುದ್ಧಾಯ ಶೂಲಿನೇ |
ಅಮಲಾಯ ಮಹೇಶಾಯ ಅಘೋರೇಶಾಯ ಮಂಗಳಮ್ || ೬ ||
ದೂರ್ವಾಸಾದಿಪ್ರಪೂಜ್ಯಾಯ ದುಷ್ಟನಿಗ್ರಹಕಾರಿಣೇ |
ದೂರೀಕೃತಾಯ ದುಃಖಾನಾಂ ಧೂಳಿಧಾರಾಯ ಮಂಗಳಮ್ || ೭ ||
ಹೃದಯಾಂಬುಜವಾಸಾಯ ಹರಾಯ ಪರಮಾತ್ಮನೇ |
ಹರಿಕೇಶಾಯ ಹೃದ್ಯಾಯ ಹಂಸರೂಪಾಯ ಮಂಗಳಮ್ || ೮ ||
ಕಕುದ್ವಾಹಾಯ ಕಲ್ಪಾಯ ಕಲ್ಪಿತಾನೇಕಭೂತಿನೇ |
ಕಮಲಾಲಯವಾಸಾಯ ಕರುಣಾಕ್ಷಾಯ ಮಂಗಳಮ್ || ೯ ||
ನಕಾರಾಯ ನಟೇಶಾಯ ನಂದಿವಿದ್ಯಾವಿಧಾಯಿನೇ |
ನದೀಚಂದ್ರಜಟೇಶಾಯ ನಾದರೂಪಾಯ ಮಂಗಳಮ್ || ೧೦ ||
ಮಕಾರಾಯ ಮಹೇಶಾಯ ಮಂದಹಾಸೇನಭಾಸಿನೇ |
ಮಹನೀಯ ಮನೋರಮ್ಯ ಮಾನನೀಯಾಯ ಮಂಗಳಮ್ || ೧೧ ||
ಶಿವಾಯ ಶಕ್ತಿನಾಥಾಯ ಸಚ್ಚಿದಾನಂದರೂಪಿಣೇ |
ಸುಲಭಾಯ ಸುಶೀಲಾಯ ಶಿಕಾರಾದ್ಯಾಯ ಮಂಗಳಮ್ || ೧೨ ||
ವಸಿಷ್ಠಾದಿಭಿರರ್ಚ್ಯಾಯ ವಿಶಿಷ್ಟಾಚಾರವರ್ತಿನೇ |
ವಿಷ್ಣುಬ್ರಹ್ಮಾದಿವಂದ್ಯಾಯ ವಕಾರಾಖ್ಯಾಯ ಮಂಗಳಮ್ || ೧೩ ||
ಯತಿಸೇವ್ಯಾಯ ಯಾಮ್ಯಾಯ ಯಜ್ಞಸಾದ್ಗುಣ್ಯದಾಯಿನೇ |
ಯಜ್ಞೇಶಾಯ ಯಮಾಂತಾಯ ಯಕಾರಾಂತಾಯ ಮಂಗಳಮ್ || ೧೪ ||
ಅರುಣಾಚಲಪೂಜ್ಯಾಯ ತರುಣಾರುಣಭಾಸಿನೇ |
ಕಲಿಕಲ್ಮಷನಾಶಾಯ ಮಂಗಳಂ ಗುರುಮೂರ್ತಯೇ || ೧೫ ||
ಗುರುಮೂರ್ತೇರಿದಂ ಸ್ತೋತ್ರಂ ಸುಪ್ರಭಾತಾಭಿದಂ ಶುಭಮ್ |
ಪಠತಾಂ ಶ್ರೀರವಾಪ್ನೋತಿ ಭುಕ್ತಿಮುಕ್ತಿಪ್ರದೇರಿತಾ || ೧೬ ||
ಇತಿ ಶ್ರೀ ಗುರುಮೂರ್ತಿ ಮಂಗಳ ಸ್ತೋತ್ರಮ್ ||