[** ಅಧುನಾ ಸರ್ವತ್ರ ಜಗತಿ ಪ್ರಸರತಃ ಜನಾನಂ ಪ್ರಾಣಾಪಾಯಕರಸ್ಯ ಕೊರೋನಾ ನಾಮಕಸ್ಯ ರೋಗವಿಶೇಷಸ್ಯ ನಿವಾರಣಾರ್ಥಂ ಶೃಂಗೇರೀ ಜಗದ್ಗುರು ವಿರಚಿತ ಶ್ರೀ ದುರ್ಗಾ ಪರಮೇಶ್ವರೀ ಸ್ತೋತ್ರ ಪಾರಾಯಣಂ ಕರಿಷ್ಯೇ | **]
ಏತಾವಂತಂ ಸಮಯಂ
ಸರ್ವಾಪದ್ಭ್ಯೋಽಪಿ ರಕ್ಷಣಂ ಕೃತ್ವಾ |
ದೇಶಸ್ಯ ಪರಮಿದಾನೀಂ
ತಾಟಸ್ಥ್ಯಂ ಕೇನ ವಹಸಿ ದುರ್ಗಾಂಬ || ೧ ||
ಅಪರಾಧಾ ಬಹುಶಃ ಖಲು
ಪುತ್ರಾಣಾಂ ಪ್ರತಿಪದಂ ಭವಂತ್ಯೇವ |
ಕೋ ವಾ ಸಹತೇ ಲೋಕೇ
ಸರ್ವಾಂಸ್ತಾನ್ಮಾತರಂ ವಿಹಾಯೈಕಾಮ್ || ೨ ||
ಮಾ ಭಜ ಮಾ ಭಜ ದುರ್ಗೇ
ತಾಟಸ್ಥ್ಯಂ ಪುತ್ರಕೇಷು ದೀನೇಷು |
ಕೇ ವಾ ಗೃಹ್ಣಂತಿ ಸುತಾನ್
ಮಾತ್ರಾ ತ್ಯಕ್ತಾನ್ವದಾಂಬಿಕೇ ಲೋಕೇ || ೩ ||
ಇತಃ ಪರಂ ವಾ ಜಗದಂಬ ಜಾತು
ದೇಶಸ್ಯ ರೋಗಪ್ರಮುಖಾಪದೋಽಸ್ಯ |
ನ ಸ್ಯುಸ್ತಥಾ ಕುರ್ವಚಲಾಂ ಕೃಪಾಂ
ಇತ್ಯಭ್ಯರ್ಥನಾಂ ಮೇ ಸಫಲೀಕುರುಷ್ವ || ೪ ||
ಪಾಪಹೀನಜನತಾವನದಕ್ಷಾಃ
ಸಂತಿ ನಿರ್ಜರವರಾ ನ ಕಿಯಂತಃ |
ಪಾಪಪೂರ್ಣಜನರಕ್ಷಣದಕ್ಷಾಂ
ತ್ವಾಂ ವಿನಾ ಭುವಿ ಪರಾಂ ನ ವಿಲೋಕೇ || ೫ ||
ಇತಿ ಶೃಂಗೇರೀ ಜಗದ್ಗುರು ವಿರಚಿತಂ ಶ್ರೀ ದುರ್ಗಾ ಪರಮೇಶ್ವರೀ ಸ್ತೋತ್ರಮ್ ||