*మానవుడు ఆనందమును బయట ప్రపంచములో వెదుకుతున్నాడు.*
*నిజానికి బయటి విషయాలలో ఏమీ సౌఖ్యం లేదు, ఆనందము ఉండదు.*
*కుక్క ఎండిపోయిన ఎముకను గట్టిగా కొరికినప్పుడు, ఆఎముక విరిగి దవడకు గుచ్చుకొని రక్తము స్రవిస్తే, ఎక్కడినుంచి ఆ రక్తము అని విచారణ చేయక, అది ఎముకనుంచే వస్తున్నదని ఆనందిస్తుంది.*
*అట్లనే ఆనందముకాని, దుఃఖముగాని విషయాలలో లేవు, మనలోనే ఉన్నవి.*
*చంటిబిడ్డ బొటనవ్రేలు చప్పరిస్తుంది. దానిలో సారమేమున్నది!*
*ఆనందము బయటినుంచి దొరకుతోందనే అభిప్రాయానికి అమాయకత్వమే కారణం.*
*ఇలాంటి సత్యనిత్య విషయాలను తెలిపే నిమిత్తం శాస్త్రములను, సత్గ్రంథములు పఠనం చేయాలి.*
*గురువుల బోధనలు ఆచరించాలి. అయితే విత్తనముంటే, మొక్క ఉంటే, తోటమాలి దానిని సరియైనరీతిగా పోషించి పెంచగలడు.*
*ఉన్నదాన్ని తెలియపరచుటే శాస్త్రములు, గురువు చేసే ఉపకారము. నువ్వెవరు? నేనెవరు? ఎక్కడి నుంచి వచ్చాము? అని ప్రశ్నలు వేసి వాటికి అనుభవరూపమైన సమాధానములను సాధకునిచే చెప్పిస్తాయి. తద్వారా సత్యాసత్యములు వివేచన అలవడుతుంది. పరమాత్మ సన్నిధికి మార్గం దొరుకుతుంది.*✍️
. *సర్వం శ్రీకృష్ణార్పణమస్తు*
🌷🙏🌷
🙏లోకా సమస్తా సుఖినోభవన్తు!🙏
🍀🌺🍀🌺🍀🌺🍀🌺🍀🌺🍀