భక్త శరణ స్తోత్రమ్
ఆర్ద్రాతఃకరణస్త్వం యస్మాదీశాన భక్తవృన్దేషు |
ఆర్ద్రోత్సవప్రియోఽతః శ్రీకణ్ఠాత్రాస్తి నైవ సన్దేహః ||౧||
ద్రష్ట్రుంస్తవోత్సవస్య హి లోకాన్పాపాత్తథా మృత్యోః |
మా భీరస్త్వితి శంభో మధ్యే తిర్యగ్గతాగతైర్బ్రూషే ||౨||
ప్రకరోతి కరుణయార్ద్రాన్ శంభుర్నమ్రానితి ప్రబోధాయ |
ఘర్మోఽయం కిల లోకానార్ద్రాన్ కురుతేఽద్య గౌరీశ ||౩||
ఆర్ద్రానటేశస్య మనోఽబ్జవృత్తిరిత్యర్థసంబోధకృతే జనానామ్ |
ఆర్ద్రర్క్ష ఏవోత్సవ మాహ శస్తం పురాణజాలం తవ పార్వతీశ ||౪||
బాణార్చనే భగవతః పరమేశ్వరస్య
ప్రీతిర్భవేన్నిరుపమేతి యతః పురాణైః
సంబోధ్యతే పరశివస్య తతః కరోత్తి
బాణార్చనం జగతి భక్తియుతా జనాలిః||౫||
యథాన్ధకం త్వం వినిహత్య శీఘ్రం
లోకస్య రక్షామకరోః కృపాబ్ధే |
తథాజ్ఞతాం మే బినివార్య శీఘ్రం
విద్యాం ప్రయచ్ఛాశు సభాధినాథ ||౬||
ఇతి భక్తశరణస్తోత్రం సంపూర్ణమ్ ||