🌿🌺🌿🌺🌿🌺🌿🌺🌿🌺🌿
🌿సంస్కృత మహాభాగవతంలో ఆరవ స్కందములో 8వ అధ్యాయం లో శ్రీ నారాయణ కవచం ప్రస్తావన ఉన్నది ...
🌸దాని యొక్క పూర్వాపరాలను , తాత్పర్యమును స్వామి దయతో తెలుసుకునే ప్రయత్నం చేద్దాం.
🌿దుష్ట శక్తులనుంచి మనల్ని రక్షించే మంత్రాన్ని కవచం అంటారు.. గణపతి, గాయత్రీ, సుదర్శన మొదలైన కవచ మంత్రాలలో నారాయణ కవచం ఒకటి.
🌸ఒకరోజు ఇంద్రుడు గర్వంతో సింహాసనంపై కూర్చొని గురువైన బృహస్పతి సభలోకి వచ్చినా గౌరవించలేదు.
🌿గురువు కోపించి సభలో దేవతలను విడిచి వెళ్లిపోయాడు. అదే సమయంలో రాక్షసులు దేవతలపై దాడి చేసారు.
🌸తట్టుకోలేని దేవతలు బ్రహ్మను శరణు వేడగా ‘గురువును పూజించనందువలన వారికి ఈ దుర్గతి వచ్చిందని త్వష్టమనువు కుమారుడైన విశ్వరూపుడిని ఆశ్రయిస్తే కష్టాలు తీరతాయని చెప్పారు.
🌿దేవతలు విశ్వరూపుని ఆశ్రయించగా ఆ సమయంలో విశ్వరూపుడు వారికి నారాయణ కవచాన్ని ఉపదేశించాడు.
నారాయణ కవచం గురించి పరీక్షిత్తు శుక మహర్షి ని ఇలా ప్రార్థించాడు....
🌹🙏రాజో వాచ: 🙏🌹
🌸1) యయా గుప్తః సహస్రాక్షః సవాహాన్ రిపుసైనికాన్ |
క్రీడన్నివ వినిర్జిత్య త్రిలోక్యా బుభుజే శ్రియమ్ ||
🌿2) భగవంస్తన్మమాఖ్యాహి వర్మ నారాయణాత్మకమ్ |
యథాఽఽతతాయినః శత్రూన్ యేన గుప్తోఽజయన్మృధే||
🌸ఓ భగవాన్ ! శుక మహర్షీ ! నారాయణ కవచం అని ఒక వైష్ణవ విద్య ఉన్నదట కదా! ఆ నారాయణ కవచం సాక్షాత్తు విష్ణుమూర్తి యొక్క స్వరూపం. దాని చేత ఇంద్రుడు ఒక ఆట ఆడుకున్న పద్ధతిలో యుద్ధములు శత్రువులను జయించాడు.
🌿మూడు లోకముల యొక్క సంపదను పొందాడు. అటువంటి గొప్పదైన నారాయణ కవచ విద్యను నాకు చెప్పవలసినది.
🌸ఆ కవచం రక్షిస్తుండగా యుద్ధములో శత్రువులను ఆ ఇంద్రుడు జయించిన విధానమును కూడా చెప్పవలసినది...సశేషం...🚩🌞🙏🌹🎻
🌹🙏జై శ్రీమన్నారాయణ..🙏🌹
🌸🌿🌸🌿🌸🌿🌸🌿🌸🌿