⚜️ గణపతి హోమం ⚜️
శబరిమలలో సన్నిధానం తెరచియున్న దినములన్నియు ఉదయం 5.00 గంటలకు గణపతి హోమం జరుగును. స్వామి సన్నిధి ముంగిట వంటశాలకు ప్రక్కన యుండే ముఖ మండపమున శబరిమల ప్రదాన తంత్రివర్యులు ఈ గణపతి హోమమును నిర్వహిస్తారు. ఉదయం స్వామివారి సన్నిధానం తెరచి దీపారాధన చేసాక ఈ గణపతి హోమం జరిగిన పిమ్మటే శ్రీస్వామివారికి అభిషేక ఆరాధనలు జరుగును. శబరిమల గణపతి హోమం తాంత్రరీత్యా జరుగును. అది చూసి తీరవలసిన
సన్నివేశమగును. ఆ వేళలో సన్నిదానములో యుండు సర్వులు ఈ గణపతి హోమమును తిలకించవచ్చును. కాని ముందురోజే ఎవరైతే వందరూపాయలు చెల్లించి
టిక్కెట్టు కొంటున్నారో వారికి గణపతి హోమములో కూర్చునే అవకాశము లభించును. వారికి గణపతి హోమము అయ్యాక స్వామివారి రక్ష , అటుకులు బెల్లములు పుష్పములు ప్రసాదంగా చిన్నఆకులో మడచి ఇస్తారు.
🙏🌹ఓం శ్రీ స్వామియే శరణం అయ్యప్ప🌹🙏