వినరో భాగ్యము విష్ణు కథ |
వెనుబలమిదివో విష్ణు కథ ||
ఆదినుండి సంధ్యాదివిధులలో
వేదంబయినది విష్ణు కథ |
నాదించీనిదె నారదాదులచే
వీధి వీధులనే విష్ణు కథ ||
వదలక వేదవ్యాసులు నుడిగిన
విదిత పావనము విష్ణు కథ |
సదనంబయినది సంకీర్తనయై
వెదకిన చోటనే విష్ణు కథ ||
గొల్లెతలు చల్లలు గొనకొని చిలకగ
వెల్లివిరియాయె విష్ణు కథ |
యిల్లిదే శ్రీ వేంకటేశ్వరు నామము
వెల్లి గొలిపె నీ విష్ణు కథ ||🙏