ശ്രീഗണേശായ നമഃ ..
കത്യക്ഷീണി കരോടയഃ കതി കതി ദ്വീപിദ്വിപാനാം ത്വചഃ
കാകോലാഃ കതി പന്നഗാഃ കതി സുധാധാമ്നശ്ച ഖണ്ഡാ കതി .
കിം ച ത്വം ച കതി ത്രിലോകജനനിത്വദ്വാരിപൂരോദരേ
മജ്ജജ്ജന്തുകദംബകം സമുദയത്യേകൈകമാദായ യത് .. 1..
ദേവി ത്വത്പുലിനാംഗണേ സ്ഥിതിജുഷാം നിർമാനിനാം ജ്ഞാനിനാം
സ്വല്പാഹാരനിബദ്ധശുദ്ധവപുഷാം താർണം ഗൃഹം ശ്രേയസേ .
നാന്യത്ര ക്ഷിതിമണ്ഡലേശ്വരശതൈഃ സംരക്ഷിതോ ഭൂപതേഃ
പ്രാസാദോ ലലനാഗണൈരധിഗതോ ഭോഗീന്ദ്രഭോഗോന്നതഃ .. 2..
തത്തത്തീർഥഗതൈഃ കദർഥനശതൈഃ കിം തൈരനർഥാശ്രിതൈ-
ര്ജ്യോതിഷ്ടോമമുഖൈഃ കിമീശവിമുഖൈര്യജ്ഞൈരവജ്ഞാദ്ദതൈ .
സൂതേ കേശവവാസവാദിവിബുധാഗാരാഭിരാമാം ശ്രിയം ഗംഗേ
ദേവി ഭവത്തടേ യദി കുടീവാസഃ പ്രയാസം വിനാ .. 3..
ഗംഗാതീരമുപേത്യ ശീതലശിലാമാലംബ്യ ഹേമാചലീം
യൈരാകർണി കുതൂഹലാകുലതയാ കല്ലോലകോലാഹലഃ .
തേ ശൃണ്വന്തി സുപർവപർവതശിലാസിംഹാസനാധ്യാസനാഃ
സംഗീതാഗമശുദ്ധസിദ്ധരമണീമഞ്ജീരധീരധ്വനിം .. 4..
ദൂരം ഗച്ഛ സകച്ഛഗം ച ഭവതോ നാലോകയാമോ
മുഖം രേ പാരാക വരാക സാകമിതരൈർനാകപ്രദൈർഗമ്യതാം .
സദ്യഃ പ്രോദ്യതമന്ദമാരുതരജഃപ്രാപ്താ കപോലസ്ഥലേ
ഗംഗാംഭഃകണികാ വിമുക്തഗണികാസംഗായ സംഭാവ്യതേ .. 5..
വിഷ്ണോഃ സംഗതികാരിണീ ഹരജടാജൂടാടവീചാരിണീ
പ്രായശ്ചിത്തനിവാരിണീ ജലകണൈഃ പുണ്യൗധവിസ്താരിണീ .
ഭൂഭൃത്കന്ദരദാരിണീ നിജജലേ മജ്ജജ്ജനോത്താരിണീ
ശ്രേയഃ സ്വർഗവിഹാരിണീ വിജയതേ ഗംഗാ മനോഹാരിണീ .. 6..
വാചാലം വികലം ഖലം ശ്രിതമലം കാമാകുലം വ്യാകുലം
ചാണ്ഡാലം തരലം നിപീതഗരലം ദോഷാവിലം ചാഖിലം .
കുംഭീപാകഗതം തമന്തകകരാദാകൃഷ്യ കസ്താരയേൻ-
മാതർജഹ്നുനരേന്ദ്രനന്ദിനി തവ സ്വല്പോദബിന്ദും വിനാ .. 7..
ശ്ലേഷമശ്ലേഷണയാനലേഽമൃതബിലേ ശാകാകുലേ വ്യാകുലേ
കണ്ഠേ ഘർഘരഘോഷനാദമലിനേ കായേ ച സമ്മീലതി .
യാം ധ്യായന്ന്പി ഭാരഭംഗുരതരാം പ്രാപ്നോതി മുക്തിം നരഃ
സ്നാതുശ്വേതസി ജാഹ്ന്വീ നിവസതാം സംസാരസന്താപഹൃത് .. 8..
ഇതി ശ്രീമത്കാ
ലിദാസവിരചിതം ഗംഗാഷ്ടകസ്തോത്രം സമ്പൂർണം ..