#யமுனாஷ்டகம் 2

 
        .. ஶ்ரீ꞉..

க்ருʼபாபாராவாராம்ʼ தபனதனயாம்ʼ தாபஶமனீம்ʼ
முராரிப்ரேயஸ்யாம்ʼ ப⁴வப⁴யத³வாம்ʼ ப⁴க்திவரதா³ம் .
வியஜ்ஜ்வாலோன்முக்தாம்ʼ ஶ்ரியமபி ஸுகா²ப்தே꞉ பரிதி³னம்ʼ
ஸதா³ தீ⁴ரோ நூனம்ʼ ப⁴ஜதி யமுனாம்ʼ நித்யப²லதா³ம் .. 1..

மது⁴வனசாரிணி பா⁴ஸ்கரவாஹினி ஜாஹ்னவிஸங்கி³னி ஸிந்து⁴ஸுதே
மது⁴ரிபுபூ⁴ஷணி மாத⁴வதோஷிணி கோ³குலபீ⁴திவிநாஶக்ருʼதே .
ஜக³த³க⁴மோசினி மானஸதா³யினி கேஶவகேலிநிதா³னக³தே
ஜய யமுனே ஜய பீ⁴திநிவாரிணி ஸங்கடநாஶினி பாவய மாம் .. 2..

அயி மது⁴ரே மது⁴மோத³விலாஸினி ஶைலவிதா³ரிணி வேக³பரே
பரிஜனபாலினி து³ஷ்டநிஷூதி³னி வாஞ்சி²தகாமவிலாஸத⁴ரே .
வ்ரஜபுரவாஸிஜனார்ஜிதபாதகஹாரிணி விஶ்வஜனோத்³த⁴ரிகே
ஜய யமுனே ஜய பீ⁴திநிவாரிணி ஸங்கடநாஶினி பாவய மாம் .. 3..

அதிவிபத³ம்பு³தி⁴மக்³னஜனம்ʼ ப⁴வதாபஶதாகுலமானஸகம்ʼ
க³திமதிஹீனமஶேஷப⁴யாகுலமாக³தபாத³ஸரோஜயுக³ம் .
ருʼணப⁴யபீ⁴திமநிஷ்க்ருʼதிபாதககோடிஶதாயுதபுஞ்ஜதரம்ʼ
ஜய யமுனே ஜய பீ⁴திநிவாரிணி ஸங்கடநாஶினி பாவய மாம் .. 4..

நவஜலத³த்³யுதிகோடிலஸத்தனுஹேமப⁴யாப⁴ரரஞ்ஜிதகே
தடி³த³வஹேலிபதா³ஞ்சலசஞ்சலஶோபி⁴தபீதஸுசேலத⁴ரே .
மணிமயபூ⁴ஷணசித்ரபடாஸனரஞ்ஜிதக³ஞ்ஜிதபா⁴னுகரே
ஜய யமுனே ஜய பீ⁴திநிவாரிணி ஸங்கடநாஶினி பாவய மாம் .. 5..

ஶுப⁴புலினே மது⁴மத்தயதூ³த்³ப⁴வராஸமஹோத்ஸவகேலிப⁴ரே
உச்சகுலாசலராஜிதமௌக்திகஹாரமயாப⁴ரரோத³ஸிகே .
நவமணிகோடிகபா⁴ஸ்கரகஞ்சுகிஶோபி⁴ததாரகஹாரயுதே
ஜய யமுனே ஜய பீ⁴திநிவாரிணி ஸங்கடநாஶினி பாவய மாம் .. 6..

கரிவரமௌக்திகநாஸிகபூ⁴ஷணவாதசமத்க்ருʼதசஞ்சலகே
முக²கமலாமலஸௌரப⁴சஞ்சலமத்தமது⁴வ்ரதலோசனிகே .
மணிக³ணகுண்ட³லலோலபரிஸ்பு²ரதா³குலக³ண்ட³யுகா³மலகே
ஜய யமுனே ஜய பீ⁴திநிவாரிணி ஸங்கடநாஶினி பாவய மாம் .. 7..

கலரவநூபுரஹேமமயாசிதபாத³ஸரோருஹஸாருணிகே
தி⁴மிதி⁴மிதி⁴மிதி⁴மிதாலவினோதி³தமானஸமஞ்ஜுலபாத³க³தே .
தவ பத³பங்கஜமாஶ்ரிதமானவசித்தஸதா³கி²லதாபஹரே
ஜய யமுனே ஜய பீ⁴திநிவாரிணி ஸங்கடநாஶினி பாவய மாம் .. 8..

ப⁴வோத்தாபாம்போ⁴தௌ⁴ நிபதிதஜனோ து³ர்க³தியுதோ
யதி³ ஸ்தௌதி ப்ராத꞉ ப்ரதிதி³னமன்யாஶ்ரயதயா .
ஹயாஹ்ரேஷை꞉ காமம்ʼ கரகுஸுமபுஞ்ஜை ரவிஸுதாம்ʼ
ஸதா³ போ⁴க்தா போ⁴கா³ன்மரணஸமயே யாதி ஹரிதாம் .. 9..

இதி ஶ்ரீமத்பரமஹம்ʼஸபரிவ்ராஜகாசார்யஸ்ய
ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய
ஶ்ரீமச்ச²ங்கரப⁴க³வத꞉ க்ருʼதௌ
யமுனாஷ்டகம் ஸம்பூர்ணம் ..



Encoded by Sridhar Seshagiri