શ્રીગંગાષ્ટકમ્

 

                ૐ

ભગવતિ તવ તીરે નીરમાત્રાશનોઽહં

    વિગતવિષયતૃષ્ણઃ કૃષ્ણમારાધયામિ .

સકલકલુષભંગે સ્વર્ગસોપાનગંગે

    તરલતરતરંગે દેવિ ગંગે પ્રસીદ .. ૧..

ભગવતિ ભવલીલામૌલિમાલે તવાંભઃ

    કણમણુપરિમાણં પ્રાણિનો યે સ્પૃશન્તિ .

અમરનગરનારિચામરમરગ્રાહિણીનાં

    વિગતકલિકલંકાતંકમંકે લુઠન્તિ .. ૨..

બ્રહ્માણ્ડં ખંડયન્તી હરશિરસિ જટાવલ્લિમુલ્લાસયન્તી

    ખર્લ્લોકાત્ આપતન્તી કનકગિરિગુહાગણ્ડશૈલાત્ સ્ખલન્તી .

ક્ષોણી પૃષ્ઠે લુઠન્તી દુરિતચયચમૂનિંર્ભરં ભર્ત્સયન્તી

    પાથોધિં પુરયન્તી સુરનગરસરિત્ પાવની નઃ પુનાતુ .. ૩..

મજ્જનમાતંગકુંભચ્યુતમદમદિરામોદમત્તાલિજાલં

    સ્નાનંઃ સિદ્ધાંગનાનાં કુચયુગવિગલત્ કુંકુમાસંગપિંગમ્ .

સાયંપ્રાતર્મુનીનાં કુશકુસુમચયૈઃ છન્નતીરસ્થનીરં

    પાય ન્નો ગાંગમંભઃ કરિકલભકરાક્રાન્તરં હસ્તરંગમ્ .. ૪..

આદાવાદિ પિતામહસ્ય નિયમવ્યાપારપાત્રે જલં

    પશ્ચાત્ પન્નગશાયિનો ભગવતઃ પાદોદકં પાવનમ્ .

ભૂયઃ શંભુજટાવિભૂષણમણિઃ જહનોર્મહર્ષેરિયં

    કન્યા કલ્મષનાશિની ભગવતી ભાગીરથી દૃશ્યતે .. ૫..

શૈલેન્દ્રાત્ અવતારિણી નિજજલે મજ્જત્ જનોત્તારિણી

    પારાવારવિહારિણી ભવભયશ્રેણી સમુત્સારિણી .

શેષાહેરનુકારિણી હરશિરોવલ્લિદલાકારિણી

    કાશીપ્રાન્તવિહારિણી વિજયતે ગંગા મનૂહારિણો .. ૬..

કુતો વીચિર્વીચિસ્તવ યદિ ગતા લોચનપથં

    ત્વમાપીતા પીતાંબરપુગ્નિવાસં વિતરસિ .

ત્વદુત્સંગે ગંગે પતતિ યદિ કાયસ્તનુભૃતાં

    તદા માતઃ શાતક્રતવપદલાભોઽપ્યતિલઘુઃ .. ૭..

ગંગે ત્રૈલોક્યસારે સકલસુરવધૂધૌતવિસ્તીર્ણતોયે

    પૂર્ણબ્રહ્મસ્વરૂપે હરિચરણરજોહારિણિ સ્વર્ગમાર્ગે .

પ્રાયશ્ચિતં યદિ સ્યાત્ તવ જલકાણિક્રા બ્રહ્મહત્યાદિપાપે

    કસ્ત્વાં સ્તોતું સમર્થઃ ત્રિજગદઘહરે દેવિ ગંગે પ્રસીદ .. ૮..

માતર્જાહ્નવી શંભુસંગવલિતે મૌલૈ નિધાયાઞ્જલિં

    ત્વત્તીરે વપુષોઽવસાનસમયે નારાયણાંધ્રિદ્વયમ્ .

સાનન્દં સ્મરતો ભવિષ્યતિ મમ પ્રાણપ્રયાણોત્સવે

    ભૂયાત્ ભક્તિરવિચ્યુતા હરિહરદ્વૈતાત્મિકા શાશ્વતી .. ૯..

ગંગાષ્ટકમિદં પુણ્યં યઃ પઠેત્ પ્રયતો નરઃ .

    સર્વપાપવિનિર્ભુક્તો વિષ્ણુલોકં સ ગચ્છતિ .. ૧૦..

ઇતિ શ્રીમત્પરમહંસપરિવ્રાજકાચાર્ય શ્રીગોવિન્દભગવત્પૂજ્યપાદસ્યશિષ્યા

શ્રીમચ્છઙ્કરભગવતઃ કૃતૌ ગઙ્ગાષ્ટકસ્તોત્રં સમ્પૂર્ણમ્ .