শ্রীগণেশায় নমঃ ॥
যদবধি তব নীরং পাতকী নৈতি গঙ্গে
তদবধি মলজালৈর্নৈব মুক্তঃ কলৌ স্যাৎ ।
তব জলকণিকাঽলং পাপিনাং পাপশুদ্ধয়ৈ
পতিতপরমদীনাংস্ত্বং হি পাসি প্রপন্নান্ ॥ ১॥
তব শিবজললেশং বায়ুনীতং সমেত্য
সপদি নিরয়জালং শূন্যতামেতি গঙ্গে ।
শমলগিরিসমূহাঃ প্রস্ফুণ্টতি প্রচণ্ডাস্ত্বয়ি
সখি বিশতাং নঃ পাপশঙ্কা কুতঃ স্যাৎ ॥ ২॥
তব শিবজলজালং নিঃসৃতং যর্হি
গঙ্গে সকলভুবনজালং পূতপূতং তদাঽভূৎ ।
যমভটকলিবার্তা দেবি লুপ্তা যমোঽপি
ব্যধিকৃতবরদেহাঃ পূর্ণকামাঃ সকামাঃ ॥ ৩॥
মধুমধুবনপূগৈ রত্নপূগৈর্নৃপূগৈর্-
মধুমধুবনপূগৈর্দেবপূগৈঃ সপূগৈঃ ।
পুরহরপরমাঙ্গে ভাসি মায়েব গঙ্গে শময়সি
বিষতাপং দেবদেবস্য বন্দ্যম্ ॥ ৪॥
চলিতশশিকুলাভৈরুত্তরঙ্গৈস্তরঙ্গৈর্-
অমিতনদনদীনামঙ্গসঙ্গৈরসঙ্গৈঃ ।
বিহরসি জগদণ্ডে খণ্ডংয়তী গিরীন্দ্রান্ রময়সি
নিজকান্তং সাগরং কান্তকাতে ॥ ৫॥
তব পরমহিমানং চিত্তবাচামমানং
হরিহরবিধিশত্র্কা নাপি গঙ্গে বিদন্তি ।
শ্রুতিকুলমভিধত্তে শঙ্কিতং তং গুণান্তং
গুণগণসুবিলাপৈর্নেতি নেতীতি সত্যম্ ॥ ৬॥
তব নুতিনতিনামান্যপ্যঘং পাবয়ন্তি দদতি
পরমশান্তিং দিব্যভোগান্ জনানাম্ ।
ইতি পতিতশরণ্যে ত্বাং প্রপন্নোঽস্মি
মাতর্ললিততরতরঙ্গে চাঙ্গ গবেপ্রসীদ ॥ ৭॥
শুভতরকৃতয়োগাদ্বিশ্বনাথ-
প্রসাদাদ্ভবহরবরবিদ্যাং প্রাপ্য কাশ্যাং হি গঙ্গে ।
ভগবতি তব তীরে নীরসারং নিপীয়
মুদিতহৃদয়কঞ্জে নন্দসূনুং ভজেঽহম্ ॥ ৮॥
গঙ্গাষ্টকমিদং কৃত্বা ভুক্তিমুক্তিপ্রদং নৃণাম্ ।
সত্যজ্ঞানানন্দতীর্থয়তিনা স্বর্পিতং শিবে ॥ ৯॥
তেন প্রণাতু ভগবান্ শিবো গঙ্গাধরো বিভুঃ ।
করোতু শঙ্করঃ কাশ্যাং জনানাং সততং শিবম্ ॥ ১০॥
ইতি সত্যজ্ঞানানন্দতীর্থয়তিনা বিরচিতং গঙ্গাষ্টকং সম্পূর্ণম্ ॥
Encoded and proofread by Dinesh Agarwal