மாத꞉ ஶைலஸுதா-ஸபத்னி வஸுதா⁴-ஶ்ருʼங்கா³ரஹாராவலி
ஸ்வர்கா³ரோஹண-வைஜயந்தி ப⁴வதீம்ʼ பா⁴கீ³ரதீ²ம்ʼ ப்ரார்த²யே .
த்வத்தீரே வஸத꞉ த்வத³ம்பு³ பிப³தஸ்த்வத்³வீசிஷு ப்ரேங்க²த꞉
த்வந்நாம ஸ்மரதஸ்த்வத³ர்பிதத்³ருʼஶ꞉ ஸ்யான்மே ஶரீரவ்யய꞉ .. 1..
த்வத்தீரே தருகோடராந்தரக³தோ க³ங்கே³ விஹங்கோ³ பரம்ʼ
த்வந்நீரே நரகாந்தகாரிணி வரம்ʼ மத்ஸ்யோ(அ)த²வா கச்ச²ப꞉ .
நைவான்யத்ர மதா³ந்த⁴ஸிந்து⁴ரக⁴டாஸங்க⁴ட்டக⁴ண்டாரண-
த்காரஸ்தத்ர ஸமஸ்தவைரிவனிதா-லப்³த⁴ஸ்துதிர்பூ⁴பதி꞉ .. 2..
உக்ஷா பக்ஷீ துரக³ உரக³꞉ கோ(அ)பி வா வாரணோ வா(அ)-
வாரீண꞉ ஸ்யாம்ʼ ஜனன-மரண-க்லேஶது³꞉கா²ஸஹிஷ்ணு꞉ .
ந த்வன்யத்ர ப்ரவிரல-ரணத்கிங்கிணீ-க்வாணமித்ரம்ʼ
வாரஸ்த்ரீபி⁴ஶ்சமரமருதா வீஜிதோ பூ⁴மிபால꞉ .. 3..
காகைர்நிஷ்குஷிதம்ʼ ஶ்வபி⁴꞉ கவலிதம்ʼ கோ³மாயுபி⁴ர்லுண்டிதம்ʼ
ஸ்ரோதோபி⁴ஶ்சலிதம்ʼ தடாம்பு³-லுலிதம்ʼ வீசீபி⁴ராந்தோ³லிதம் .
தி³வ்யஸ்த்ரீ-கர-சாருசாமர-மருத்ஸம்ʼவீஜ்யமான꞉ கதா³
த்³ரக்ஷ்யே(அ)ஹம்ʼ பரமேஶ்வரி த்ரிபத²கே³ பா⁴கீ³ரதீ² ஸ்வம்ʼ வபு꞉ .. 4..
அபி⁴னவ-பி³ஸவல்லீ-பாத³பத்³மஸ்ய விஷ்ணோ꞉
மத³ன-மத²ன-மௌலேர்மாலதீ-புஷ்பமாலா .
ஜயதி ஜயபதாகா காப்யஸௌ மோக்ஷலக்ஷ்ம்யா꞉
க்ஷபித-கலிகலங்கா ஜாஹ்னவீ ந꞉ புனாது .. 5..
ஏதத்தால-தமால-ஸால-ஸரலவ்யாலோல-வல்லீலதா-
ச்ச²த்ரம்ʼ ஸூர்யகர-ப்ரதாபரஹிதம்ʼ ஶங்கே²ந்து³-குந்தோ³ஜ்ஜ்வலம் .
க³ந்த⁴ர்வாமர-ஸித்³த⁴-கின்னரவதூ⁴-துங்க³ஸ்தனாஸ்பாலிதம்ʼ
ஸ்னானாய ப்ரதிவாஸரம்ʼ ப⁴வது மே கா³ங்க³ம்ʼ ஜலம்ʼ நிர்மலம் .. 6..
கா³ங்க³ம்ʼ வாரி மனோஹாரி முராரி-சரணச்யுதம் .
த்ரிபுராரி-ஶிரஶ்சாரி பாபஹாரி புனாது மாம் .. 7..
பாபாபஹாரி து³ரிதாரி தரங்க³தா⁴ரி
ஶைலப்ரசாரி கி³ரிராஜ-கு³ஹாவிதா³ரி .
ஜ²ங்காரகாரி ஹரிபாத³-ரஜோபஹாரி
கா³ங்க³ம்ʼ புனாது ஸததம்ʼ ஶுப⁴காரி வாரி .. 8..
க³ங்கா³ஷ்டகம்ʼ பட²தி ய꞉ ப்ரயத꞉ ப்ரபா⁴தே
வால்மீகினா விரசிதம்ʼ ஶுப⁴த³ம்ʼ மனுஷ்ய꞉ .
ப்ரக்ஷால்ய கா³த்ர-கலிகல்மஷ-பங்க-மாஶு
மோக்ஷம்ʼ லபே⁴த் பததி நைவ நரோ ப⁴வாப்³தௌ⁴ .. 9..
.. இதி வால்மீகிவிரசிதம்ʼ க³ங்கா³ஷ்டகம்ʼ ஸம்பூர்ணம் ..
Encoded and proofread by N.Balasubramanian bbalu@sify.com