ௐ
ப⁴க³வதி தவ தீரே நீரமாத்ராஶனோ(அ)ஹம்ʼ
விக³தவிஷயத்ருʼஷ்ண꞉ க்ருʼஷ்ணமாராத⁴யாமி .
ஸகலகலுஷப⁴ங்கே³ ஸ்வர்க³ஸோபானக³ங்கே³
தரலதரதரங்கே³ தே³வி க³ங்கே³ ப்ரஸீத³ .. 1..
ப⁴க³வதி ப⁴வலீலாமௌலிமாலே தவாம்ப⁴꞉
கணமணுபரிமாணம்ʼ ப்ராணினோ யே ஸ்ப்ருʼஶந்தி .
அமரநக³ரநாரிசாமரமரக்³ராஹிணீனாம்ʼ
விக³தகலிகலங்காதங்கமங்கே லுட²ந்தி .. 2..
ப்³ரஹ்மாண்ட³ம்ʼ க²ண்ட³யந்தீ ஹரஶிரஸி ஜடாவல்லிமுல்லாஸயந்தீ
க²ர்ல்லோகாத் ஆபதந்தீ கனககி³ரிகு³ஹாக³ண்ட³ஶைலாத் ஸ்க²லந்தீ .
க்ஷோணீ ப்ருʼஷ்டே² லுட²ந்தீ து³ரிதசயசமூனிம்ʼர்ப⁴ரம்ʼ ப⁴ர்த்ஸயந்தீ
பாதோ²தி⁴ம்ʼ புரயந்தீ ஸுரநக³ரஸரித் பாவனீ ந꞉ புனாது .. 3..
மஜ்ஜனமாதங்க³கும்ப⁴ச்யுதமத³மதி³ராமோத³மத்தாலிஜாலம்ʼ
ஸ்னானம்ʼ꞉ ஸித்³தா⁴ங்க³னானாம்ʼ குசயுக³விக³லத் குங்குமாஸங்க³பிங்க³ம் .
ஸாயம்ப்ராதர்முனீனாம்ʼ குஶகுஸுமசயை꞉ ச²ன்னதீரஸ்த²நீரம்ʼ
பாய ந்னோ கா³ங்க³மம்ப⁴꞉ கரிகலப⁴கராக்ராந்தரம்ʼ ஹஸ்தரங்க³ம் .. 4..
ஆதா³வாதி³ பிதாமஹஸ்ய நியமவ்யாபாரபாத்ரே ஜலம்ʼ
பஶ்சாத் பன்னக³ஶாயினோ ப⁴க³வத꞉ பாதோ³த³கம்ʼ பாவனம் .
பூ⁴ய꞉ ஶம்பு⁴ஜடாவிபூ⁴ஷணமணி꞉ ஜஹனோர்மஹர்ஷேரியம்ʼ
கன்யா கல்மஷநாஶினீ ப⁴க³வதீ பா⁴கீ³ரதீ² த்³ருʼஶ்யதே .. 5..
ஶைலேந்த்³ராத் அவதாரிணீ நிஜஜலே மஜ்ஜத் ஜனோத்தாரிணீ
பாராவாரவிஹாரிணீ ப⁴வப⁴யஶ்ரேணீ ஸமுத்ஸாரிணீ .
ஶேஷாஹேரனுகாரிணீ ஹரஶிரோவல்லித³லாகாரிணீ
காஶீப்ராந்தவிஹாரிணீ விஜயதே க³ங்கா³ மனூஹாரிணோ .. 6..
குதோ வீசிர்வீசிஸ்தவ யதி³ க³தா லோசனபத²ம்ʼ
த்வமாபீதா பீதாம்ப³ரபுக்³நிவாஸம்ʼ விதரஸி .
த்வது³த்ஸங்கே³ க³ங்கே³ பததி யதி³ காயஸ்தனுப்⁴ருʼதாம்ʼ
ததா³ மாத꞉ ஶாதக்ரதவபத³லாபோ⁴(அ)ப்யதிலகு⁴꞉ .. 7..
க³ங்கே³ த்ரைலோக்யஸாரே ஸகலஸுரவதூ⁴தௌ⁴தவிஸ்தீர்ணதோயே
பூர்ணப்³ரஹ்மஸ்வரூபே ஹரிசரணரஜோஹாரிணி ஸ்வர்க³மார்கே³ .
ப்ராயஶ்சிதம்ʼ யதி³ ஸ்யாத் தவ ஜலகாணிக்ரா ப்³ரஹ்மஹத்யாதி³பாபே
கஸ்த்வாம்ʼ ஸ்தோதும்ʼ ஸமர்த²꞉ த்ரிஜக³த³க⁴ஹரே தே³வி க³ங்கே³ ப்ரஸீத³ .. 8..
மாதர்ஜாஹ்னவீ ஶம்பு⁴ஸங்க³வலிதே மௌலை நிதா⁴யாஞ்ஜலிம்ʼ
த்வத்தீரே வபுஷோ(அ)வஸானஸமயே நாராயணாந்த்⁴ரித்³வயம் .
ஸானந்த³ம்ʼ ஸ்மரதோ ப⁴விஷ்யதி மம ப்ராணப்ரயாணோத்ஸவே
பூ⁴யாத் ப⁴க்திரவிச்யுதா ஹரிஹரத்³வைதாத்மிகா ஶாஶ்வதீ .. 9..
க³ங்கா³ஷ்டகமித³ம்ʼ புண்யம்ʼ ய꞉ படே²த் ப்ரயதோ நர꞉ .
ஸர்வபாபவிநிர்பு⁴க்தோ விஷ்ணுலோகம்ʼ ஸ க³ச்ச²தி .. 10..
இதி ஶ்ரீமத்பரமஹம்ʼஸபரிவ்ராஜகாசார்ய ஶ்ரீகோ³விந்த³ப⁴க³வத்பூஜ்யபாத³ஸ்யஶிஷ்யா
ஶ்ரீமச்ச²ங்கரப⁴க³வத꞉ க்ருʼதௌ க³ங்கா³ஷ்டகஸ்தோத்ரம்ʼ ஸம்பூர்ணம் .