ওঁ
ভগবতি তব তীরে নীরমাত্রাশনোঽহং
বিগতবিষয়তৃষ্ণঃ কৃষ্ণমারাধয়ামি ।
সকলকলুষভঙ্গে স্বর্গসোপানগঙ্গে
তরলতরতরঙ্গে দেবি গঙ্গে প্রসীদ ॥ ১॥
ভগবতি ভবলীলামৌলিমালে তবাম্ভঃ
কণমণুপরিমাণং প্রাণিনো যে স্পৃশন্তি ।
অমরনগরনারিচামরমরগ্রাহিণীনাং
বিগতকলিকলঙ্কাতঙ্কমঙ্কে লুঠন্তি ॥ ২॥
ব্রহ্মাণ্ডং খণ্ডয়ন্তী হরশিরসি জটাবল্লিমুল্লাসয়ন্তী
খর্ল্লোকাৎ আপতন্তী কনকগিরিগুহাগণ্ডশৈলাৎ স্খলন্তী ।
ক্ষোণী পৃষ্ঠে লুঠন্তী দুরিতচয়চমূনিংর্ভরং ভর্ত্সয়ন্তী
পাথোধিং পুরয়ন্তী সুরনগরসরিৎ পাবনী নঃ পুনাতু ॥ ৩॥
মজ্জনমাতঙ্গকুম্ভচ্যুতমদমদিরামোদমত্তালিজালং
স্নানংঃ সিদ্ধাঙ্গনানাং কুচয়ুগবিগলৎ কুঙ্কুমাসঙ্গপিঙ্গম্ ।
সায়ম্প্রাতর্মুনীনাং কুশকুসুমচয়ৈঃ ছন্নতীরস্থনীরং
পায় ন্নো গাঙ্গমম্ভঃ করিকলভকরাক্রান্তরং হস্তরঙ্গম্ ॥ ৪॥
আদাবাদি পিতামহস্য নিয়মব্যাপারপাত্রে জলং
পশ্চাৎ পন্নগশায়িনো ভগবতঃ পাদোদকং পাবনম্ ।
ভূয়ঃ শম্ভুজটাবিভূষণমণিঃ জহনোর্মহর্ষেরিয়ং
কন্যা কল্মষনাশিনী ভগবতী ভাগীরথী দৃশ্যতে ॥ ৫॥
শৈলেন্দ্রাৎ অবতারিণী নিজজলে মজ্জৎ জনোত্তারিণী
পারাবারবিহারিণী ভবভয়শ্রেণী সমুৎসারিণী ।
শেষাহেরনুকারিণী হরশিরোবল্লিদলাকারিণী
কাশীপ্রান্তবিহারিণী বিজয়তে গঙ্গা মনূহারিণো ॥ ৬॥
কুতো বীচির্বীচিস্তব যদি গতা লোচনপথং
ত্বমাপীতা পীতাম্বরপুগ্নিবাসং বিতরসি ।
ত্বদুৎসঙ্গে গঙ্গে পততি যদি কায়স্তনুভৃতাং
তদা মাতঃ শাতক্রতবপদলাভোঽপ্যতিলঘুঃ ॥ ৭॥
গঙ্গে ত্রৈলোক্যসারে সকলসুরবধূধৌতবিস্তীর্ণতোয়ে
পূর্ণব্রহ্মস্বরূপে হরিচরণরজোহারিণি স্বর্গমার্গে ।
প্রায়শ্চিতং যদি স্যাৎ তব জলকাণিক্রা ব্রহ্মহত্যাদিপাপে
কস্ত্বাং স্তোতুং সমর্থঃ ত্রিজগদঘহরে দেবি গঙ্গে প্রসীদ ॥ ৮॥
মাতর্জাহ্নবী শম্ভুসঙ্গবলিতে মৌলৈ নিধায়াঞ্জলিং
ত্বত্তীরে বপুষোঽবসানসময়ে নারায়ণান্ধ্রিদ্বয়ম্ ।
সানন্দং স্মরতো ভবিষ্যতি মম প্রাণপ্রয়াণোৎসবে
ভূয়াৎ ভক্তিরবিচ্যুতা হরিহরদ্বৈতাত্মিকা শাশ্বতী ॥ ৯॥
গঙ্গাষ্টকমিদং পুণ্যং যঃ পঠেৎ প্রয়তো নরঃ ।
সর্বপাপবিনির্ভুক্তো বিষ্ণুলোকং স গচ্ছতি ॥ ১০॥
ইতি শ্রীমৎপরমহংসপরিব্রাজকাচার্য শ্রীগোবিন্দভগবৎপূজ্যপাদস্যশিষ্যা
শ্রীমচ্ছঙ্করভগবতঃ কৃতৌ গঙ্গাষ্টকস্তোত্রং সম্পূর্ণম্ ।